ചെന്നൈ: കോവിഡ് വ്യാപനം തടയുന്നതിനായി തമിഴ്നാട്ടിൽ നാളെ മുതൽ രാത്രികാല നിയന്ത്രണവും, ഞായറാഴ്ച ലോക്ക്ഡൗണും പ്രഖ്യാപിച്ച് തമിഴ്നാട് സർക്കാർ. വെള്ളി, ശനി, ഞായർ തുടങ്ങിയ ദിവസങ്ങളിൽ ആരാധനാലയങ്ങളിൽ ആളുകളെ പ്രവേശിപ്പിക്കില്ല.
റെസ്റ്റോറന്‍റുകൾ, മാളുകൾ, കടകൾ എന്നിവിടങ്ങളിലും ആളുകളെ പൂർണ്ണമായി ഈ ദിവസങ്ങളിൽ നിയന്ത്രിക്കും. മെഡിക്കൽ കോളേജ് ഒഴികെയുള്ള എല്ലാ കോളേജുകളും, സാങ്കേതിക സ്ഥാപനങ്ങളും അടച്ചിടുമെന്ന് സർക്കാർ അറിയിച്ചു. കോവിഡ് കേസുകൾ വർധിക്കുന്ന സാഹചര്യത്തിൽ ഗോവ, പഞ്ചാബ് തുടങ്ങിയ സംസ്ഥാനങ്ങളിൽ രാത്രികാല നിയന്ത്രണം ഏർപ്പെടുത്തുകയും, വിദ്യാഭ്യാസ സ്ഥാപനങ്ങൾ താൽക്കാലികമായി അടച്ചിടുകയും ചെയ്തിരുന്നു.
