ന്യൂഡല്‍ഹി: കോണ്‍ഗ്രസ് അധ്യക്ഷ സ്ഥാനത്തെ ചൊല്ലി ജി-23യിൽ അഭിപ്രായ വിത്യാസം രൂക്ഷമായെന്ന് സൂചന. ഗാന്ധി കുടുംബാംഗം അധ്യക്ഷ സ്ഥാനത്തേക്ക് വന്നാല്‍ മത്സരത്തില്‍ നിന്ന് പിന്മാറാമെന്ന തരൂരിന്‍റെ പ്രസ്താവനയാണ് ജി-23യിലെ ഒരു വിഭാഗത്തിന് കടുത്ത അതൃപ്തി ഉണ്ടാക്കിയത്.
ശശി തരൂര്‍ സമവായ സ്ഥാനാര്‍ഥിയാവാന്‍ ശ്രമിച്ചാല്‍ തരൂരിനെതിരെ വിമത വിഭാഗത്തിലെ പ്രധാനിയായ മനീഷ് തിവാരി മത്സരിച്ചേക്കുമെന്ന സൂചനയും ശക്തമാണ്.
നേരത്തെ, രാഹുല്‍ ഗാന്ധിയോ നെഹ്‌റു കുടുംബത്തിന്‍റെ അടുപ്പക്കാരോ അധ്യക്ഷനാവാന്‍ ശ്രമിച്ചാല്‍ അവര്‍ക്ക് എതിരെ മത്സരിക്കുമെന്നും മനീഷ് തിവാരി അറിയിച്ചിരുന്നു.
