ന്യൂഡൽഹി: ആണവ അന്തർവാഹിനി ഐഎൻഎസ് അരിഹന്തിൽനിന്ന് ബാലിസ്റ്റ് മിസൈൽ പരീക്ഷിച്ച് ഇന്ത്യ. വെള്ളിയാഴ്ച ബാലിസ്റ്റിക് മിസൈൽ വിജയകരമായി വിക്ഷേപിച്ചതായി പ്രതിരോധ മന്ത്രാലയം അറിയിച്ചു.
ബംഗാൾ ഉൾക്കടലിൽവച്ചായിരുന്നു നിയന്ത്രിത ദൂരത്തിലേയ്ക്ക് ബാലിസ്റ്റിക് മിസൈൽ പരീക്ഷണം ഇന്ത്യ നടത്തിയത്. മുൻപ് തീരുമാനിച്ച ലക്ഷ്യത്തെ മിസൈൽ കൃത്യമായി തകർത്തെറിഞ്ഞുവെന്നും നാവികസേന അറിയിച്ചു.
ബാലിസ്റ്റിക് മിസൈലിന്റെ പരീക്ഷണം അതിനിർണായകമായിരുന്നു. കരുത്തിന്റേയും കൃത്യതയുടേയും കാര്യത്തിൽ എല്ലാ മാനദണ്ഡങ്ങളും വിജയകരമായി പൂർത്തിയാക്കാൻ സാധിച്ചത് സൈന്യത്തിന്റേയും ഡിആർഡിഒയുടെ സാങ്കേതിക വിദ്യയുടേയും മികവിനുള്ള തെളിവാണെന്നും നാവികസേന അറിയിച്ചു.