ന്യൂഡല്ഹി: കന്നുകാലികളെ ഇടിച്ച് ഒരു മാസത്തിനിടെ മൂന്നാമതും വന്ദേ ഭാരത് എക്സ്പ്രസ് ട്രെയിൻ തകരാറിൽ. ഇത്തവണ ഗുജറാത്തിലെ വൽസാദിൽ അതുൽ റെയിൽവെ സ്റ്റേഷന് സമീപം ശനിയാഴ്ച രാവിലെ 8.17 നായിരുന്നു അപകടം.
ഗാന്ധിനഗര്-മുംബൈ പാതയില് ഓടുകയായിരുന്ന ട്രെയിൻ കാളയെ ഇടിച്ചാണ് തകരാർ സംഭവിച്ചത്. ഡ്രൈവര് കോച്ചിന്റെ മുന്ഭാഗം തകർന്നു. അറ്റകുറ്റപ്പണികൾക്കായി 26 മിനിറ്റ് നിർത്തിയിടേണ്ടിവന്നു. ഈ മാസം ആദ്യം ഗുജറാത്തിലെ തന്നെ ആനന്ദ് സ്റ്റേഷന് പരിസരത്ത് വച്ച് ഒരു പശുവിനെ ഇടിച്ചിരുന്നു. തൊട്ടടുത്ത ദിവസം ഒരു പോത്തിനെയും ഇടിച്ചു.