ഉമ്മൻ കാപ്പിൽ
നോർത്ത് പ്ലെയിൻഫീൽഡ് (ന്യൂജേഴ്സി): മലങ്കര ഓർത്തഡോക്സ് സുറിയാനി സഭയുടെ നോർത്ത് ഈസ്റ്റ് അമേരിക്കൻ ഭദ്രാസന ഫാമിലി & യൂത്ത് കോൺഫറൻസിന്റെ രജിസ്ട്രേഷൻ കിക്ക് ഓഫ് സെന്റ് ബസേലിയോസ്-ഗ്രിഗോറിയോസ് മലങ്കര ഓർത്തഡോക്സ് ഇടവകയിൽ ആരംഭിച്ചു. ഫാമിലി & യൂത്ത് കോൺഫറൻസിനെ പ്രതിനിധീകരിച്ച് ഒരു സംഘം മാർച്ച് 26 ഞായറാഴ്ച ഇടവക സന്ദർശിച്ചു. ഷാജി വർഗീസ് (സഭാ മാനേജിങ് കമ്മിറ്റി അംഗം), സൂസൻ ജോൺ വർഗീസ് (സുവനീർ ചീഫ് എഡിറ്റർ), ബിപിൻ മാത്യു (കോൺഫറൻസ് കമ്മിറ്റി അംഗം), ഉമ്മൻ കാപ്പിൽ (ഭദ്രാസന കൗൺസിൽ അംഗം) എന്നിവർ സംഘത്തിലുണ്ടായിരുന്നു. സന്തോഷ് തോമസും (ഭദ്രാസന അസംബ്ലി അംഗം) വേദിയിൽ സന്നിഹിതനായിരുന്നു.
ഇടവക വികാരി ഫാ. വിജയ് തോമസിൻറെ കാർമികത്വത്തിൽ നടന്ന വിശുദ്ധ കുർബാനയ്ക്കു ശേഷം ഫാമിലി & യൂത്ത് കോൺഫറൻസിന്റെ കിക്ക്-ഓഫ് മീറ്റിംഗും ഉണ്ടായിരുന്നു. ജിബു മാത്യൂസ് (ഇടവക ട്രഷറർ) കോൺഫറൻസ് പ്രതിനിധി സംഘത്തെ പരിചയപ്പെടുത്തി. ഫാ. വിജയ് തോമസ് ടീമിനെ സ്വാഗതം ചെയ്യുകയും കോൺഫറൻസിൽ പങ്കെടുത്ത് അനുഗ്രഹം പ്രാപിക്കാൻ എല്ലാവരെയും പ്രോത്സാഹിപ്പിക്കുകയും ചെയ്തു. ഉമ്മൻ കാപ്പിൽ തന്റെ ആമുഖത്തിൽ കോൺഫറൻസിന്റെ ഉദ്ദേശ്യം, വേദി, പ്രസംഗകർ , സംവേദനാത്മക സെഷനുകൾ എന്നിവയെക്കുറിച്ച് വിശദീകരിച്ചു. യൂത്ത് മിനിസ്ട്രി ഉൾപ്പെടെയുള്ള ആത്മീയ ശുശ്രൂഷകളെ പിന്തുണയ്ക്കുന്നതിന്റെ പ്രാധാന്യത്തെക്കുറിച്ചും അദ്ദേഹം ഹ്രസ്വമായി സംസാരിച്ചു.
ഷാജി വർഗീസ് സ്പോൺസർഷിപ്പ് അവസരങ്ങൾ വിശദീകരിക്കുകയും ഭദ്രാസനത്തിന്റെ ഹോളി ട്രാൻസ്ഫിഗറേഷൻ റിട്രീറ്റ് സെന്ററിൽ നടക്കുന്ന ശുശ്രൂഷകളെ എടുത്തുപറയുകയും ചെയ്തു. മുൻ ഫാമിലി & യൂത്ത് കോൺഫറൻസുകളുടെ ഡയറക്ടറായി ഫാ. വിജയ് തോമസ് സ്തുത്യർഹമായി സേവനം അനുഷ്ടിച്ചിട്ടുള്ളത് അദ്ദേഹം സ്മരിച്ചു. സൂസൻ ജോൺ വർഗീസ് രജിസ്ട്രേഷൻ നടപടിക്രമങ്ങൾ വിശദീകരിച്ചു. സുവനീറിലേക്ക് ലേഖനങ്ങൾ, ബിസിനസ്സ് പരസ്യങ്ങൾ, വ്യക്തിഗത ആശംസകൾ എന്നിവ നൽകി പിന്തുണയ്ക്കാൻ സൂസൻ ആഹ്വാനം ചെയ്തു.
ഫാ. വിജയ് തോമസും ജിബു മാത്യൂസും ചേർന്ന് സുവനീറിന് വേണ്ടിയുള്ള ഇടവകയുടെ സ്പോൺസർഷിപ്പ് ചെക്ക് കൈമാറി. ഇടവകയിലെ നിരവധി അംഗങ്ങൾ സുവനീറിൽ പരസ്യങ്ങളും ആശംസകളും സ്പോൺസർ ചെയ്തുകൊണ്ട് പിന്തുണ വാഗ്ദാനം ചെയ്തു. ടോം & എൽസ തോമസ്, വിജോയ് & ജിന്നി മത്തായി, കുര്യാക്കോസ് ജേക്കബ്, അരുൺ അരുണാലയ, റോബിൻ രാജു, മാത്യു അലക്സ്, വർഗീസ് മാത്യു, ഫിലിപ്പ് ജോഷ്വ, സന്തോഷ് തോമസ്, ജിബു മാത്യൂസ് എന്നിവരാണ് പിന്തുണ പ്രഖ്യാപിച്ചത്. ഫാമിലി കോൺഫറൻസിന് നൽകിയ ഉദാരമായ പിന്തുണക്ക് വികാരിക്കും ഇടവക അംഗങ്ങൾക്കും കോൺഫറൻസ് ടീം നന്ദി അറിയിച്ചു.
ജൂലൈ 12 മുതൽ 15 വരെ നോർത്ത് ഈസ്റ്റ് അമേരിക്കൻ ഭദ്രാസനത്തിലെ ഹോളി ട്രാൻസ്ഫിഗറേഷൻ റിട്രീറ്റ് സെന്ററിൽ കോൺഫറൻസ് നടക്കും. യൂറോപ്പ്/ആഫ്രിക്ക ഭദ്രാസനാധിപൻ അഭിവന്ദ്യ ഡോ. എബ്രഹാം മാർ സ്തേഫാനോസ് മെത്രാപ്പോലീത്ത മുഖ്യ പ്രഭാഷകനായിരിക്കും. സൗത്ത് വെസ്റ്റ് അമേരിക്കൻ ഭദ്രാസന യൂത്ത് മിനിസ്റ്റർ ഫാ. മാറ്റ് അലക്സാണ്ടർ യുവജനങ്ങൾക്കായുള്ള സെഷനുകൾ നയിക്കും. യോവേൽ 2:28-ൽ നിന്നുള്ള “എല്ലാ ജഡത്തിന്മേലും ഞാൻ എന്റെ ആത്മാവിനെ പകരും” എന്നതാണ് ഈ വർഷത്തെ കോൺഫറൻസിന്റെ മുഖ്യ ചിന്താവിഷയം. ബൈബിൾ, വിശ്വാസം, പാരമ്പര്യം, പ്രചോദനാത്മകമായ വിഷയങ്ങൾ എന്നിവയെ അടിസ്ഥാനമാക്കി കുട്ടികൾക്കും യുവാക്കൾക്കും മുതിർന്നവർക്കും അനുയോജ്യമായ പ്രത്യേക സംവേദനാത്മക സെഷനുകൾ ഉണ്ടായിരിക്കും.
കൂടുതൽ വിവരങ്ങൾക്ക്, ഫാ. സണ്ണി ജോസഫ്, കോൺഫറൻസ് ഡയറക്ടർ (ഫോൺ: 718.608.5583) ചെറിയാൻ പെരുമാൾ, കോൺഫറൻസ് സെക്രട്ടറി (ഫോൺ: 516.439.9087) എന്നിവരുമായി ബന്ധപ്പെടുക.
