ജമ്മുകശ്മീരില് അടിയന്തരമായി തെരഞ്ഞെടുപ്പ് നടത്തണമെന്നും കേന്ദ്ര കമ്മിറ്റി ആവശ്യപ്പെട്ടു. തെരഞ്ഞെടുപ്പ് നടത്താത്തത് ബിജെപിക്ക് സർക്കാരുണ്ടാക്കാൻ കഴിയില്ലെന്ന ബോധ്യത്തിലാണ്.
ന്യൂഡല്ഹി : ജനകീയ വിഷയങ്ങളില് ദേശീയതലത്തില് സമരങ്ങള് സംഘടിപ്പിക്കാൻ ഒരുങ്ങി സിപിഎം. ഇടത് പാര്ട്ടികളും മറ്റ് മതേതര പാര്ട്ടികളുമായി ചേർന്ന് ദേശീയ പ്രധാന്യമുള്ള വിഷയങ്ങളില് സമരം സംഘടിപ്പിക്കാനാണ് കേന്ദ്ര കമ്മിറ്റി തീരുമാനം. ജമ്മുകശ്മീരില് അടിയന്തരമായി തെരഞ്ഞെടുപ്പ് നടത്തണമെന്നും കേന്ദ്ര കമ്മിറ്റി ആവശ്യപ്പെട്ടു.
തെരഞ്ഞെടുപ്പ് നടത്താത്തത് ബിജെപിക്ക് സർക്കാരുണ്ടാക്കാൻ കഴിയില്ലെന്ന ബോധ്യത്തിലാണ്. ഇത് ഭരണഘടന ലംഘനവും ജനങ്ങളുടെ ജനാധിപത്യ അവകാശങ്ങളുടെ ലംഘനവുമാണെന്നും കേന്ദ്രകമ്മിറ്റി വിമർശിച്ചു. അഖിലേന്ത്യ കർഷക തൊഴിലാളി യൂണിയന് നേതാവായ വിക്രം സിങിനെ കേന്ദ്ര കമ്മിറ്റിയിൽ ഉള്പ്പെടുത്തി.
ഗുസ്തി താരങ്ങളുടെ സമരവും ജമ്മു കാശ്മീർ പുൽവാമ ആക്രമണത്തിൽ മുൻ ഗവർണർ സത്യപാൽ മാലിക് നടത്തിയ നിർണായക വെളിപ്പെടുത്തലു പ്രധാന വിഷയങ്ങളായിരിക്കും. കഴിഞ്ഞ ദിവസം സിപിഐഎം പൊളിറ്റ് ബ്യൂറോ അംഗം സുഭാഷിണി അലിയും അഖിലേന്ത്യാ ജനാധിപത്യ മഹിളാ അസോസിയേഷൻ വൈസ് പ്രസിഡന്റ് ജഗ്മതി സാംഗ്വാനും ഗുസ്തി താരങ്ങളെ സന്ദർശിച്ച് പിന്തുണ അറിയിച്ചിരുന്നു. പ്രായപൂര്ത്തിയാകാത്ത പെണ്കുട്ടി ഉള്പ്പെടെ വനിതാ ഗുസ്തി താരങ്ങളെ ലൈംഗികമായി പീഠിപ്പിച്ച ലോകസഭാ എംപിയുമായ ബ്രിജ്ഭൂഷണ് ശരണ് സിംഗിനെതിരെ നടപടിയെടുക്കണമെന്ന് ആവശ്യപ്പെട്ട് സിപിഐഎം ഐക്യദാര്ഡ്യം പ്രഖ്യാപിക്കുകയും ചെയ്തു