പി പി ചെറിയാന്‍
ഫിലാഡല്‍ഫിയ: ഫിലാഡല്‍ഫിയയിലെ സെപ്റ്റ ബസ് സ്റ്റോപ്പില്‍ ബുധനാഴ്ച ഉച്ചതിരിഞ്ഞ് നടന്ന വെടിവയ്പ്പില്‍ എട്ട് വിദ്യാര്‍ത്ഥികള്‍ക്ക് വെടിയേറ്റു. രണ്ട് വിദ്യാര്‍ത്ഥികളുടെ നില ഗുരുതരമാണെന്ന് ഫിലാഡല്‍ഫിയ പോലീസ് അറിയിച്ചു. പ്രാദേശിക സമയം ഏകദേശം 3:00 മണിയോടെ വിദ്യാര്‍ത്ഥികള്‍ ബസില്‍ കയറാന്‍ ശ്രമിക്കുന്നതിനിടെ നിരവധി ആളുകള്‍ വെടിയുതിര്‍ക്കുകയായിരുന്നുവെന്ന് ഫിലാഡല്‍ഫിയ പോലീസ് കമ്മീഷണര്‍ കെവിന്‍ ബെഥേല്‍ പത്രസമ്മേളനത്തില്‍ പറഞ്ഞു.
സെപ്റ്റ ബസ് സ്റ്റോപ്പിന് സമീപം നിര്‍ത്തിയിട്ടിരുന്ന വാഹനത്തില്‍ നിന്ന് മൂന്ന് പേര്‍ പുറത്തിറങ്ങി വെടിയുതിര്‍ക്കുകയും ബസില്‍ കയറാന്‍ ശ്രമിക്കുന്നതിനിടെ വിദ്യാര്‍ത്ഥികള്‍ക്ക് നേരെ 30 റൗണ്ട് വെടിയുതിര്‍ക്കുകയുമായിരുന്നുവെന്ന് ബെഥേല്‍ പറഞ്ഞു. ഇരകളായ എട്ട് പേരും നോര്‍ത്ത് ഈസ്റ്റ് ഹൈസ്‌കൂളില്‍ പഠിച്ച വിദ്യാര്‍ത്ഥികളായിരുന്നു. 15 മുതല്‍ 17 വയസ്സ് വരെ പ്രായമുള്ളവരാണെന്ന് ബെഥേല്‍ പറയുന്നു. ഗുരുതരാവസ്ഥയിലുള്ള വിദ്യാര്‍ത്ഥികളില്‍ ഒരാള്‍ക്ക് ഒന്നിലധികം തവണ വെടിയേറ്റിരുന്നു.
ഫിലാഡല്‍ഫിയ എബിസി സ്റ്റേഷന്‍ ഡബ്ല്യുപിവിഐയുടെ കണക്കനുസരിച്ച്, ബുധനാഴ്ചത്തെ വെടിവയ്പ്പ് നഗരത്തില്‍ തോക്ക് അക്രമം ആരംഭിച്ചതിന്റെ ഏറ്റവും പുതിയ സംഭവമാണ്. കൂടാതെ ഒരാഴ്ചയ്ക്കിടെ ഒരു പ്രാദേശിക സെപ്റ്റ ബസ് ഉള്‍പ്പെടുന്ന നാലാമത്തെ വെടിവയ്പുമാണ്. മൂന്ന് ദിവസത്തിനുള്ളില്‍, 11 കൗമാരക്കാര്‍ക്കാമ് വെടിയേറ്റത്. ബെഥേല്‍ പറഞ്ഞു.
