ഫിലാഡല്‍ഫിയ: ഫിലാഡല്‍ഫിയ സെന്റ് തോമസ് സീറോമലബാര്‍ മതബോധനസ്കൂള്‍ ഫെയ്ത്ത്്‌ഫെസ്റ്റ് എന്ന പേരില്‍ മാര്‍ച്ച് 24 ശനിയാഴ്ച്ച കുട്ടികള്‍ക്കായി നടത്തിയ വിശ്വാസോത്സവം ആകര്‍ഷകമായി. വിശ്വാസപരിശീലന ക്ലാസുകളില്‍ പഠിച്ച അറിവിന്റെ വെളിച്ചത്തില്‍ കുട്ടികളുടെ നൈസര്‍ഗിക കലാവാസനകള്‍ ചിത്രരചനയിലൂടെയും, ഭക്തിഗാനങ്ങളിലൂടെയും, പ്രാര്‍ത്ഥനകളിലൂടെയും, ബൈബിള്‍ കഥാപാത്ര അനുകരണത്തിലൂടെയും, ബൈബിള്‍ വായന, ബൈബിള്‍ കഥാകഥനം എന്നിവയിലൂടെയും, പ്രസംഗരൂപേണയും അവതരിപ്പിച്ച് ആകര്‍ഷകമായ സമ്മാനങ്ങള്‍ കരസ്ഥമാക്കാന്‍ സണ്‍ഡേ സ്കൂള്‍ കുട്ടികള്‍ക്ക് ലഭിച്ച സുവര്‍ണാവസരം. ചെറുപ്രായത്തില്‍ കുട്ടികളില്‍ ക്രൈസ്തവ വിശ്വാസവും, സഭാപഠനങ്ങളും, കൂദാശാധിഷ്ഠിത ജീവിതവും, മാëഷിക മൂല്യങ്ങളും, പ്രകൃതിസ്‌നേഹവും, ബൈബിള്‍ അധിഷ്ഠിതമായ അറിവും ആഘോഷങ്ങളിലൂടെ എങ്ങനെ നല്‍കാം എന്നതിന്റെ ഭാഗമായി നടത്തപ്പെട്ട പരിപാടി വളരെയധികം ജനശ്രദ്ധയാകര്‍ഷിച്ചു.
പ്രീകെ മുതല്‍ പന്ത്രണ്ടാം ക്ലാസ് വരെയുള്ള മതബോധനസ്കൂള്‍ കുട്ടികള്‍ക്ക് അവരുടെ കലാവാസനകള്‍ പരിപോഷിപ്പിക്കുന്നതിനും, പ്രകടിപ്പിക്കുന്നതിനുമായിട്ടാണ് ഫെയ്ത്ത്‌ഫെസ്റ്റ് നടത്തപ്പെട്ടത്. ബൈബിള്‍ വായന മുതല്‍ ഉപകരണസംഗീതം വരെ, വാട്ടര്‍ കളര്‍ പെയിന്റിംഗ് മുതല്‍ ബൈബിള്‍ കഥാവതരണം വരെ മല്‍സരങ്ങളില്‍ ഉള്‍പ്പെടുത്തിയിയിരുന്നു. മാര്‍ച്ച് 17, 24 എന്നീ ദിവസങ്ങളിലായിട്ടാണ് മല്‍സരങ്ങള്‍ അരങ്ങേറിയത്.
പ്രധാന മല്‍സരങ്ങള്‍ മാര്‍ച്ച് 24 ശനിയാഴ്ച്ച 10:30 മുതല്‍ നടന്നു. സ്റ്റേജിതര മല്‍സരങ്ങള്‍ (കളറിംഗ്, പെയിന്റിംഗ്, പെന്‍സില്‍ ഡ്രോയിംഗ്) എന്നിവ മാര്‍ച്ച് 17 ശനിയാഴ്ച്ച നടത്തിയിരുന്നു. ബൈബിള്‍ സ്‌പെല്ലിംഗ് ബീ മല്‍സരം ഏപ്രില്‍ 15 ഞായറാഴ്ച ആയിരിക്കും നടക്കുക.
ബൈബിള്‍ പാരായണം, ബൈബിള്‍ കഥാവതരണം, സ്‌പെല്ലിംഗ് ബീ, ഗാനം, കളറിംഗ് & പെയിന്റിംഗ്, അടിസ്ഥാന പ്രാര്‍ത്ഥനകള്‍, പ്രസംഗം, ബൈബിള്‍ കഥാപാത്രങ്ങളുടെ അനുകരണം എന്നിവയാണ് ഇത്തവണ മല്‍സരങ്ങളില്‍ ഉള്‍പ്പെടുത്തിയിരുന്നത്. ഗ്രേഡുലവല്‍ അനുസരിച്ച് æട്ടികളെ നാലു ഗ്രൂപ്പുകളായി തിരിച്ചായിêì മല്‍സരങ്ങള്‍ നടത്തിയത്.
മാര്‍ച്ച് 24 ശനിയാഴ്ച്ച 10:30 ന് ഇടവക വികാരി റവ. ഫാ. വിനോദ് മഠത്തിപറമ്പില്‍ വിശ്വാസ തിരിതെളിച്ച് ഉത്ഘാടനം നിര്‍വഹിച്ച ഫെയ്ത്ത്‌ഫെസ്റ്റില്‍ മതബോധനസ്കൂളിലെ പ്രീകെ മുതല്‍ പന്ത്രണ്ടാം ക്ലാസ് വരെയുള്ള 100 ല്‍ പരം കുട്ടികള്‍ തങ്ങളുടെ കലാവാസനകള്‍ ആരോഗ്യകരമായ മല്‍സരത്തിലൂടെ പ്രകടിപ്പിച്ചു.
മാര്‍ച്ച് 17 ശനിയാഴ്ച്ച സ്റ്റേജിതര മല്‍സരങ്ങളായ കളറിംഗ്, പെയിന്റിംഗ്, പെന്‍സില്‍ സ്‌കെച്ചിംഗ് എന്നിവ നടത്തപ്പെട്ടു. ക്രയോണ്‍സും, കളര്‍ പെന്‍സിലും, വാട്ടര്‍കളറും ഉപയോഗിച്ച് æഞ്ഞ് ആര്‍ട്ടിസ്റ്റുകള്‍ ക്യാന്‍വാസില്‍ പകര്‍ത്തിയ ചിത്രങ്ങള്‍ കുട്ടികളുടെ പ്രായത്തില്‍ കവിഞ്ഞ ആശയങ്ങള്‍ ഉള്‍ക്കൊള്ളുന്നവയായിരുന്നു. വിജയികള്‍ക്ക് സ്കൂള്‍ വാര്‍ഷികദിനത്തില്‍ സമ്മാനങ്ങള്‍ ലഭിക്കും.
ഇടവക വികാരി റവ. ഫാ. വിനോദ് മഠത്തിപറമ്പില്‍, ട്രസ്റ്റിമാരായ റോഷിന്‍ പ്ലാമൂട്ടില്‍, ജോസ് തോമസ്, മോഡി ജേക്കബ്, ഷാജി മിറ്റത്താനി, സെക്രട്ടറി ടോം പാറ്റാനിയില്‍, സണ്ടേസ്കൂള്‍ പ്രിന്‍സിപ്പാള്‍ ജേക്കബ് ചാക്കോ, വൈസ് പ്രിന്‍സിപ്പലും ഫെയ്ത്ത്്‌ഫെസ്റ്റ് ജനറല്‍ കോര്‍ഡിനേറ്ററുമായ ജോസ് മാളേയ്ക്കല്‍, പ്രോഗ്രാം കോര്‍ഡിനേറ്റര്‍ ലീനാ ജോസഫ്, മതാധ്യാപകരായ ജയിന്‍ സന്തോഷ്, ഷീബാ സോണി, ജോസഫ് ജയിംസ്, ജാന്‍സി ജോസഫ്, ജാസ്മിന്‍ ചാക്കോ, സോബി ചാക്കോ, മഞ്ജു സോബി, ജൂലി കരുമത്തി, ലിജാ പ്ലാമൂട്ടില്‍, റോസ് മേരി, മോളി ജേക്കബ്, ബിന്ദു മെതിക്കളം, ബ്ലെസി മെതിക്കളം, പി.റ്റി.എ. പ്രസിഡന്റ് തോമസ് ചാക്കോ (ബിജു), സുനില്‍ തോമസ്, ജ്യോതി എബ്രാഹം, അന്‍സു വര്‍ഗീസ്, മെറിന്‍ കരുമത്തി, എന്നിവരും മല്‍സരങ്ങളുടെ വിജയകരമായ നടത്തിപ്പിനു സഹായികളായി.
ഫോട്ടോ: ജോസ് തോമസ്
ഫോട്ടോ: ജോസ് തോമസ്
