കാണ്പുര്: ഉത്തര്പ്രദേശില് ഓക്സിജന് പ്ലാന്റില് ഓക്സിജന് സിലിണ്ടര് പൊട്ടിത്തെറിച്ച് ഒരാള് മരിച്ചു. അപകടത്തില് രണ്ട് പേര്ക്ക് പരിക്കേല്ക്കുകയും ചെയ്തു. വെള്ളിയാഴ്ച പുലര്ച്ചെ 4.30നാണ് സംഭവം. പങ്കി ഗ്യാസ് പ്ലാന്റിലാണ് പൊട്ടിത്തെറി നടന്നത്. മുറാദ് അലി എന്ന ജീവനക്കാരനാണ് മരിച്ചത്. പ്ലാന്റ് സൂപ്പര്വൈസര് അജയ്, റോയല് ഹോസ്പിറ്റര് ജീവനക്കാരന് ഹരി ഓം എന്നിവര്ക്കാണ് പരിക്കേറ്റത്. ഇവരെ ആശുപത്രിയില് പ്രവേശിപ്പിച്ചു.