തമിഴ്‌നാട് നീലഗിരിയില്‍ അമ്മയ്‌ക്കൊപ്പം നടന്നു പോകുകയായിരുന്ന 3 വയസുകാരിയെ പുലി ആക്രമിച്ചുകൊന്നു. പന്തല്ലൂര്‍ മേഖലയിൽ വെച്ചാണ് അമ്മയുടെ കണ്‍മുന്നില്‍ കുട്ടിയെ പുലി ആക്രമിച്ചു കൊലപ്പെടുത്തിയത്.
പന്തല്ലൂരിലെ തൊണ്ടിയാളം എന്ന സ്ഥലത്തുവച്ചാണ് കുഞ്ഞിനെ പുലി ആക്രമിച്ചത്. അതിഥി തൊഴിലാളികളുടെ കുഞ്ഞാണ് മരിച്ചത്. കഴിഞ്ഞ ഒരുമാസത്തോളമായി പ്രദേശത്ത് പുലിയുടെ ശല്യം രൂക്ഷമാണെന്നാണ് പ്രദേശവാസികള്‍ പറയുന്നത്. കഴിഞ്ഞ 10 ദിവസത്തിനിടെ നാല് യുവതികളേയും ഒരു പെണ്‍കുട്ടിയേയും പുലി ആക്രമിച്ചിരുന്നു. 3 വയസുകാരി ഉള്‍പ്പെടെ രണ്ടുപേരാണ് പുലിയുടെ ആക്രമണത്തില്‍ മരിച്ചത്.
