ഇടുക്കി: അയ്യപ്പൻ കോവിലിൽ ഇടുക്കി (Idukki) അണക്കെട്ടിന്‍റെ സംഭരണിക്കുള്ളിൽ (Dam reservoir) തലയോട്ടി കണ്ടെത്തി. കോടാലിപ്പാറക്കും അയ്യപ്പൻകോവിൽ തൂക്കുപാലത്തിനുമിടക്കാണ് തലയോട്ടി കണ്ടെത്തിയത്. രാവിലെ ഇടുക്കി ജലാശയത്തിൽ മീൻ പിടിക്കാൻ പോയി തിരികെ എത്തിയവരാണ് തലയോട്ടി കണ്ടത്.
തുടർന്ന് കട്ടപ്പന പൊലീസ് സ്ഥലത്തെത്തി. തലയോട്ടി ഏറെക്കാലത്തെ പഴക്കമുള്ളതാണെന്നാണ് പ്രാഥമിക പരിശോധനയിൽ കണ്ടെത്തിയത്. പെരിയാറിൽ ജലനിരപ്പ് ഉയർന്നപ്പോൾ, മറ്റ് എവിടെ നിന്നെങ്കിലും ഒഴുകി എത്തിയതാവാമെന്നാണ് പ്രാഥമിക നിഗമനം. അടുത്ത കാലത്ത്, മേഖലയിൽ നിന്നും കാണാതായവരുടെ വിവരങ്ങൾ ശേഖരിച്ചും അന്വേഷണം നടത്തും.
