തിരുവനന്തപുരം: മുതിര്ന്ന കോണ്ഗ്രസ് നോതാവ് ആര്യാടന് മുഹമ്മദിനെ അനുസ്മരിച്ച് മുന് മുഖ്യമന്ത്രി ഉമ്മന് ചാണ്ടി. ആര്യാടന് മുഹമ്മദ് കോണ്ഗ്രസിന്റെ മലബാറിലെ അതികായനും കറകളഞ്ഞ മതേതരവാദിയുമായിരുന്നു എന്നും അദ്ദേഹത്തിന്റെ വിയോഗം കോണ്ഗ്രസിനും മതേതര കേരളത്തിനും കനത്ത നഷ്ടമാണെന്നും ഉമ്മന് ചാണ്ടി പറഞ്ഞു.
ജനങ്ങളുമായി അടുത്ത ബന്ധം നിലനിര്ത്തിയ നേതാവായിരുന്ന ആര്യാടൻ 2004ല് വൈദ്യുതിമന്ത്രിയായിരിക്കെ മലയോരങ്ങളിലും ആദിവാസി കോളനികളിലും വൈദ്യുതി എത്തിച്ചത് ശ്രദ്ധേയമായിരുന്നു എന്നും മുന്മുഖ്യമന്ത്രി ഓര്മിച്ചു.