പത്തനംതിട്ട: അടൂരില്‍ ഡോക്ടറെ ഭീഷണിപ്പെടുത്തുകയും അസഭ്യവര്‍ഷം നടത്തുകയും ചെയ്തയാള്‍ പിടിയില്‍. പറക്കോട് സ്വദേശി വിഷ്ണു വിജയനാണ് അറസ്റ്റിലായത്.
അടൂര്‍ പറക്കോട് മെഡിക്കല്‍ സെന്‍റർ ആശുപത്രിയില്‍ ഞായറാഴ്ച വൈകുന്നേരത്തോടെയാണ് സംഭവം. വീണ് കാലിന് പരിക്കേറ്റ് ആശുപത്രിയിലെത്തിയ യുവാവിന് ഡോക്ടര്‍ ചികിത്സ നല്‍കിയശേഷം ഇയാളെ നിരീക്ഷണത്തില്‍ ഇരുത്തി.
ഏറെ നേരമായിട്ടും തുടര്‍വിവരങ്ങള്‍ തന്നോട് കൈമാറിയില്ലെന്നു പറഞ്ഞാണ് ഇയാള്‍ ഡോക്ടര്‍ക്ക് നേരെ അസഭ്യവര്‍ഷം നടത്തിയത്. ഇതിനിടെ അഡ്മിറ്റ് ചെയ്യണമെന്നാവശ്യപ്പെട്ടെങ്കിലും ഇവിടെ കിടത്തി ചികിത്സയില്ലെന്ന് ഡോക്ടർ അറിയിച്ചതോടെ ബഹളം തുടർന്നു.
പ്രശ്‌നത്തില്‍ ഇടപെടാന്‍ ശ്രമിച്ച ആളുടെ കണ്ണില്‍ വിഷ്ണു മുകളിപൊടി സ്‌പ്രേ ചെയ്തതായും പരാതിയുണ്ട്.
കാപ്പാ ഉള്‍പ്പെടെയുള്ള വകുപ്പുകള്‍ ചേര്‍ത്താണ് ഇയാൾക്കെതിരെ കേസെടുത്തത്. ഇയാള്‍ നിരവധി കേസുകളില്‍ പ്രതിയാണെന്ന് പോലീസ് അറിയിച്ചു.
