കൊച്ചി: എറണാകുളം ജില്ലയില് ഇന്നലെ ഭക്ഷ്യസുരക്ഷാ വിഭാഗം നടത്തിയ പരിശോധനയില് 36 ഹോട്ടലുകളില് നിന്ന് പഴകിയ ഭക്ഷണം പിടിച്ചെടുത്തു. ഗുരുതരമായ വീഴ്ച വരുത്തിയ ആറ് ഹോട്ടലുകള് പൂട്ടിച്ചു.
എ വണ് ഫോര്ട്ട് കൊച്ചി, കായീസ് മട്ടാഞ്ചേരി, സിറ്റി സ്റ്റാര് മട്ടാഞ്ചേരി, ഷേബ ബിരിയാണി കാക്കനാട്, ഗുലാന് തട്ടുകട ഇരുമ്പനം, മജിലീസ് നോര്ത്ത് പറവൂര് എന്നിവയാണ് അടപ്പിച്ചത്. ഗുരുതര വീഴ്ച കണ്ടെത്തിയതിനെ തുടര്ന്നാണ് ഇവ അടപ്പിച്ചത്. കായീസ് ഹോട്ടലിലെ ബിരിയാണിയില് പഴുതാരയെ കണ്ടെത്തിയിരുന്നു.