തിരുവനന്തപുരം: തെക്ക് കിഴക്കന് ബംഗാള് ഉള്ക്കടലിലെ മോക്ക ചുഴലിക്കാറ്റ് വരും മണിക്കൂറുകളില് അതിതീവ്ര ചുഴലിക്കാറ്റായി മാറും. ഞായറാഴ്ച തീരം തൊടുന്ന മോക്ക കേരളത്തെ നേരിട്ട് ബാധിക്കില്ലെങ്കിലും മഴയ്ക്ക് കാരണമാകും.
സംസ്ഥാനത്ത് ഒറ്റപ്പെട്ടയിടങ്ങളില് ശക്തമായ മഴ കിട്ടിയേക്കും. ഇന്ന് ഉച്ചയോടെ വടക്കന് ജില്ലകളിലും തെക്കന് ജില്ലകളിലും മഴ പ്രതീക്ഷിക്കാം. മലപ്പുറം, കോഴിക്കോട്, വയനാട്, കണ്ണൂര്, കാസര്കോട് ജില്ലകളില് ഒറ്റപ്പെട്ടയിടങ്ങളില് നേരിയ മഴയ്ക്ക് സാധ്യതയെന്ന് കേന്ദ്ര കാലാവസ്ഥ വകുപ്പ് അറിയിച്ചു.
കേരള,കര്ണാടക, ലക്ഷദ്വീപ് തീരങ്ങളില് മത്സ്യബന്ധനത്തിന് തടസമില്ലെങ്കിലും ബംഗാള് ഉള്ക്കടല്, ആന്ഡമാന് കടല് എന്നിവിടങ്ങളില് മത്സ്യ ബന്ധനത്തിനായി പോകുന്നവര്ക്ക് കാലാവസ്ഥ വകുപ്പ് ജാഗ്രതാ നിര്ദേശം നല്കിയിട്ടുണ്ട്.