പുതുപ്പള്ളി: പ്രതിപക്ഷ നേതാവ് വി ഡി സതീശന് തന്നെ നാലാം കിടക്കാരനെന്ന് വിളിച്ചെന്നും ഭാര്യ ഗീതുവിനെതിരായ സൈബര് ആക്രമണം കോണ്ഗ്രസ് നേതൃത്വത്തിന്റെ മൗനാനുവാദത്തോടെയാണെന്നും പുതുപ്പള്ളിയിലെ എല്ഡിഎഫ് സ്ഥാനാര്ത്ഥി ജെയ്ക്ക് സി തോമസ്. തിരുത്താന് കോണ്ഗ്രസ് നേതൃത്വം തയ്യാറാവുന്നില്ല. പുതുപ്പള്ളി ഇതിനു മറുപടി നല്കുമെന്നും ജെയ്ക്ക് സി തോമസ് കൂട്ടിചേര്ത്തു.
തെരഞ്ഞെടുപ്പില് വലിയ അവകാശവാദങ്ങള് ഉന്നയിക്കാനില്ലെന്നും പൂര്ണ ആത്മവിശ്വാസമുണ്ടെന്നും അദ്ദേഹം വ്യക്തമാക്കി. ചാണ്ടി ഉമ്മന്റെ ഭൂരിപക്ഷം അര ലക്ഷം കടക്കുമെന്ന രമേശ് ചെന്നിത്തലയുടെ അവകാശവാദത്തിന് മറുപടിയായി 2021ലെ തെരഞ്ഞെടുപ്പിന്റെ കണക്കുകള് ചരിത്രത്തിലുണ്ടെന്ന് ജെയ്ക്ക് മറുപടി നല്കി. പിണറായി വീരസ്യം പറയാറില്ലെന്നും വികസനം പറയുന്നത് എങ്ങനെ വീരസ്യം പറയലാകുമെന്നും ജെയ്ക്ക് എ കെ ആന്റണിയുടെ ആരോപണത്തിന് മറുപടിയായി പറഞ്ഞു.
മുന് മുഖ്യമന്ത്രി കോണ്ഗ്രസിന് വേണ്ടി വോട്ട് ചോദിച്ചപ്പോള് മകന് ബിജെപി ക്ക് വേണ്ടിയാണ് വോട്ട് ചോദിച്ചതെന്നായിരുന്നു ജെയ്ക്കിന്റെ പരിഹാസം. ഇത് ഇന്ത്യയില് മറ്റൊരിടത്തും കാണില്ലെന്നും എന്നിട്ടാണ് മാസപ്പടി വിവാദത്തില് ഇ ഡി വരാത്തത് സിപിഎം – ബിജെപി ബന്ധം കൊണ്ടെന്നാണ് വിഡി സതീശന് പറയുന്നതെന്നും ജെയ്ക്ക് സി തോമസ് പറഞ്ഞു. മാസപ്പടി വിവാദത്തില് അന്വേഷണം അവശ്യപ്പെട്ട് ഇ ഡിക്ക് വിഡി സതീശന് കത്ത് അയക്കട്ടെ എന്നും ജെയ്ക്ക് സി തോമസ് വെല്ലുവിളിച്ചു.