മാസപ്പടി എന്തിന് നല്കി എന്ന ചോദ്യത്തിനുള്ള ഉത്തരമാണ് തോട്ടപ്പള്ളിയില് മൂന്നുവര്ഷമായി നടക്കുന്ന കരിമണല് ഖനനമെന്ന് മാത്യു കുഴല്നാടന് എംഎല്എ. മുഖ്യമന്ത്രി ചോദ്യങ്ങളിൽ നിന്നും ഒളിച്ചോടുകയാണെന്നും സിഎംആര്എല്-വീണാ വിജയന് സാമ്പത്തിക ഇടപാടില് വിജിലന്സ് ഡയറക്ടര്ക്ക് നല്കിയ പരാതിയില് നടപടിയില്ലെന്നും കുഴല്നാടന് ആരോപിച്ചു.
പിവി പിണറായി വിജയൻ അല്ല എന്ന് പറയുന്നതിൽ എന്ത് ഔന്നിത്യമാണുള്ളതെന്നും മാത്യു കുഴൽനാടൻ ചോദിച്ചു. മാസപ്പടിക്കും മുഖ്യമന്ത്രിക്കും ഇടയിലെ ബന്ധം തോട്ടപ്പള്ളിയിലെ അനധികൃതമായ കരിമണൽ ഖനനമാണ്. മുഖ്യമന്ത്രിക്കും മകൾക്കും സിഎംആർഎൽ പണം നൽകിയത് തോട്ടപ്പള്ളിയിലെ കരിമനൽ ഖനനത്തിന് സഹായം കിട്ടാനാണ്. വർഷങ്ങളോളം സിഎംആർഎല്ലിന് മണൽ ഖനനം ചെയ്യാൻ എല്ലാ നിയമങ്ങളും മാറ്റിയെന്നും മാത്യു കുഴൽനാടനൻ ആരോപിച്ചു.
തെളിവുകൾ കോടതിയിൽ എത്തിക്കുമെന്നും വരും ദിവസങ്ങളിൽ കൂടുതൽ തെളിവുകൾ പുറത്ത് വിടുമെന്നും മാത്യു കുഴല്നാടൻ വ്യക്തമാക്കി.