സംസ്ഥാനത്തെ പ്രതിദിന കൊവിഡ് കേസുകളുടെ എണ്ണം വീണ്ടും ഉയരുന്നു. ഇന്നലെ മാത്രം 292 പേര്ക്ക് കൊവിഡ് സ്ഥിരീകരിച്ചു. കൊവിഡ് ബാധിച്ച് കേരളത്തില് ഇന്നലെ രണ്ടു പേര് മരിച്ചു. ഇതോടെ കേരളത്തില് കൊവിഡ് ബാധിച്ച് ചികിത്സയിലുള്ളവരുടെ എണ്ണം 2041 ആയി ഉയര്ന്നു.
നിലവിൽ രാജ്യത്ത് ഏറ്റവും കൂടുതല് കൊവിഡ് സ്ഥിരീകരിച്ചതും കേരളത്തിലാണ്. കര്ണാടകയില് ഒമ്പതുപേര്ക്കും ഗുജറാത്തില് മൂന്നുപേര്ക്കും ഡൽഹിയിൽ മൂന്നുപേര്ക്കുമാണ് ഇന്നലെ കൊവിഡ് സ്ഥിരീകരിച്ചത്. കൊവിഡിന്റെ ജെഎന്1 ഉപവകഭേദം കേരളത്തില് കണ്ടെത്തിയതിന് പിന്നാലെയാണ് പുതിയ കേസുകളില് വര്ധനവുണ്ടായിരിക്കുന്നത്.
ഇന്നലെ രാജ്യത്താകെ 341 പേര്ക്കാണ് കൊവിഡ് സ്ഥിരീകരിച്ചത്. ഇതോടെ രാജ്യത്തെ ആകെ ആക്ടീവ് കേസുകളുടെ എണ്ണം 2311 ആയി ഉയര്ന്നു. രാജ്യത്തെ ആക്ടീവ് കൊവിഡ് കേസുകളില് 88ശതമാനത്തിലധികം കേസുകളും കേരളത്തിലാണ്. അതേസമയം, രാജ്യത്ത് ഏറ്റവും കൂടുതല് കൊവിഡ് പരിശോധന നടക്കുന്ന സ്ഥലമാണ് കേരളം. ഇതിനാലാണ് ഇവിടെ കൂടുതല് കേസുകള് റിപ്പോര്ട്ട് ചെയ്യുന്നതെന്നാണ് സംസ്ഥാന ആരോഗ്യവകുപ്പിന്റെ വിശദീകരണം.