കൊച്ചി: ക്രിസ്തുമസ്-പുതുവത്സര സീസണ്‍ പ്രമാണിച്ച് അപ്പാര്‍ട്ടുമെന്റുകളുടേയും വില്ലകളുടേയും പൊതുപൂമുഖത്തില്‍ നടത്തുന്ന അലങ്കാരങ്ങള്‍ക്കായി പ്രമുഖ ബില്‍ഡറായ അസറ്റ് ഹോംസ് മത്സരം സംഘടിപ്പിക്കുന്നു. ഫെയറി ലൈറ്റ്സ് എന്ന പേരിലുള്ള ഫോയര്‍ ഡെക്കോര്‍ മത്സരത്തില്‍ സംസ്ഥാനത്തുടനീളമുള്ള അപ്പാര്‍ട്ടുമെന്റുകളുടേയും വില്ലാ പദ്ധതികളുടേയും ഓണേഴ്സ് അസോസിയേഷനുകള്‍ക്ക് പങ്കെടുക്കാം.
പാര്‍പ്പിട പദ്ധതികളുടെ പൊതുപൂമുഖം, ക്ലബ് ഹൗസ് തുടങ്ങിയ കോമണ്‍ ഏരിയകളില്‍ ഒരുക്കുന്ന ക്രിസ്തുമസ്-പുതുവത്സര അലങ്കാരങ്ങളുടെ വിവിധ കോണുകളില്‍ നിന്നുള്ള മൂന്ന് ആംഗ്‌ളില്‍ നിന്നുള്ള ഫോട്ടോയും ഒരു 30 സെക്കന്‍ഡ് വിഡിയോയും delight@assethomes.in എന്ന ഇ-മെയിലില്‍ അയച്ച് മത്സരത്തില്‍ പങ്കുചേരാം. പ്രവേശന ഫീ ഇല്ല. എന്‍ട്രികള്‍ ലഭിക്കേണ്ട അവസാനതീയതി 2024 ജനുവരി 10. വിജയികള്‍ക്ക് ഒന്നാം സമ്മാനം 1 ലക്ഷം രൂപ, രണ്ടാം സമ്മാനം 50,000 രൂപ, മൂന്നാം സമ്മാനം 25,000 രൂപ, 5000 രൂപയുടെ 10 പ്രോത്സാഹനസമ്മാനങ്ങള്‍ എന്നിങ്ങനെ മൊത്തം 2.25 ലക്ഷം രൂപയുടെ ക്യാഷ് അവാര്‍ഡുകള്‍ നല്‍കുമെന്ന് അസറ്റ് ഹോംസിന്റെ വാര്‍ത്താക്കുറിപ്പില്‍ അറിയിച്ചു.
കൂടുതല്‍ വിവരങ്ങള്‍ക്ക് delight@assethomes.in 99461 00252
