കണ്ണൂരിൽ യുഡിഎഫ് സ്ഥാനാർഥി കെ.സുധാകരന്റെ ലീഡ് മുപ്പതിനായിരത്തിലേക്ക്. ലീഡ് നില 29205 ആയാണ് ഉയർന്നത്. രണ്ടാം റൗണ്ട് വോട്ടെണ്ണൽ പൂർത്തിയായപ്പോൾ എല്ലാ നിയമസഭാ മണ്ഡലങ്ങളിലും ലീഡ് നേടി യുഡിഎഫ് സ്ഥാനാർഥി കെ.സുധാകരൻ. മുഖ്യമന്ത്രി പിണറായി വിജയന്റെ മണ്ഡലമായ ധർമടത്ത് രണ്ടാം റൗണ്ടിൽ കെ.സുധാകരന് 2205 വോട്ടിന്റെ ലീഡുണ്ട്. സിപിഎം സംസ്ഥാന സെക്രട്ടറി എം.വി.ഗോവിന്ദന്റെ മണ്ഡലമായ തളിപ്പറമ്പിലും കെ.സുധാകരനാണ് ലീഡ്. കെ.കെ.ശൈലജ ചരിത്രത്തിലെ ഏറ്റവും ഉയർന്ന ഭൂരിപക്ഷം നേടിയ മട്ടന്നൂരിലും കെ.സുധാകരൻ ലീഡ് പിടിച്ചു.
