ദേശീയ ചലച്ചിത്ര പുരസ്കാരങ്ങള് പ്രഖ്യാപിക്കുന്നു. മികച്ച നടിയ്ക്കുള്ള പുരസ്കാരം അപര്ണ ബാലമുരളിയ്ക്ക് ലഭിച്ചു. തമിഴ് സിനിമ സൂരരൈ പോട്രുവിലെ അഭിനയത്തിനാണ് അവാര്ഡ്. മികച്ച നടന് സൂര്യ. ബിജു മേനോനാണ് മികച്ച സഹ നടന്. അയ്യപ്പനും കോശിയും എന്ന ചിത്രത്തിലൂടെയാണ് ബിജു മേനോന് അവാര്ഡ് ലഭിച്ചത്. സിനിമയുടെ സംവിധായകനായ സച്ചിയാണ് മികച്ച സംവിധായകന്.
മികച്ച മലയാള ചിത്രത്തിനുള്ള പുരസ്കാരം സെന്ന ഹെഗ്ഡെ സംവിധാനം ചെയ്ത ‘തിങ്കളാഴ്ച നിശ്ചയ’ത്തിനാണ്. മികച്ച സംഘട്ടനം മാഫിയ ശശിക്ക് ലഭിച്ചു. സച്ചി സംവിധാനം ചെയ്ത അയ്യപ്പനും കോശിയും എന്ന സിനിമയില് സംഘട്ടനം ഒരുക്കിയതിനാണ് അവാര്ഡ്. കപ്പേള എന്ന ചിത്രത്തിലൂടെ അനീസ് നാടോടി മികച്ച പ്രൊഡക്ഷന് ഡിസൈനര് പുരസ്കാരം നേടി. മികച്ച ശബ്ദമിശ്രണം മാലിക്കിനു ലഭിച്ചു. മികച്ച ഗായികയ്ക്കുള്ള പുരസ്കാരം നഞ്ചിയമ്മ നേടി. അയ്യപ്പനും കോശിയും എന്ന സിനിമയിലെ ഗാനത്തിനാണ് പുരസ്കാരം.
മികച്ച സിനിമാ ഗ്രന്ധത്തിനുള്ള പുരസ്കാരം അനൂപ് രാമകൃഷ്ണനാണ്. എം.ടി. അനുഭവങ്ങളുടെ പുസ്തകം എന്ന കൃതിയ്ക്കാണ് പുരസ്കാരം. മികച്ച ഛായാഗ്രാഹകനുള്ള പുരസ്കാരം നിഖില് എസ് പ്രവീണിനു ലഭിച്ചു. ‘ശബ്ദിക്കുന്ന കലപ്പ’ എന്ന ചിത്രത്തിലെ ഛായാഗ്രഹണത്തിനാണ് പുരസ്കാരം. ‘വാങ്ക്’ എന്ന സിനിമയിലൂടെ സംവിധായകന് കാവ്യാ പ്രകാശിന് പ്രത്യേക ജൂറി പരാമര്ശം ലഭിച്ചു.
ഫീച്ചർ ഫിലിം : ദാദാ ലക്ഷ്മി മികച്ച തെലുങ്ക് ചിത്രം : കളർ ഫോട്ടോ, തമിഴ് ചിത്രം : ശിവരഞ്ജിനിയും സില പെൺകളും മലയാള ചിത്രം: തിങ്കളാഴ്ച നിശ്ചയം