സുരേഷ് ഗോപിയുടെ 250-ാം ചിത്രം മുളകുപാടം ഫിലിംസിന്റെ ബാനറിൽ ടോമിച്ചൻ മുളകുപാടം നിർമ്മിക്കും. ജോണി ആന്റണിയുടെ സഹസംവിധായകനായിരുന്ന മാത്യൂസ് തോമസ് സംവിധാനം ചെയ്യുന്ന ഈ ചിത്രത്തിന് കടുവാക്കുന്നേൽ കുറുവച്ചൻ എന്ന് പേരിടാൻ ആലോചനയുണ്ട്. നിഥിൻ രൺജി പണിക്കർ രചനയും സംവിധാനവും നിർവഹിക്കുന്ന കാവൽ പൂർത്തിയാക്കിയ ശേഷമായിരിക്കും സുരേഷ് ഗോപി ഈ ചിത്രത്തിൽ അഭിനയിക്കുക.ബാദുഷയാണ് പ്രൊഡക്ഷൻ കൺട്രോൾ. മുളകുപാടം ഫിലിംസ് ആദ്യമായാണ് ഒരു സുരേഷ്ഗോപി ചിത്രംനിർമ്മിക്കുന്നത്. വമ്പൻ വിജയങ്ങളായ പുലിമുരുകനും രാമലീലയും പോക്കിരിരാജയും നിർമ്മിച്ച മുളകുപാടം ഫിലിംസ് ഒടുവിൽ നിർമ്മിച്ചത് പ്രണവ് മോഹൻലാൽ നായകനായ അരുൺ ഗോപി ചിത്രം ഇരുപത്തിയൊന്നാം നൂറ്റാണ്ടാണ്.