പി പി ചെറിയാന്
ന്യുയോര്ക്ക്: ജനിതക മാറ്റം സംഭവിച്ച പുതിയ കൊറോണ വൈറസ് ന്യുയോര്ക്കില് വ്യാപിക്കുന്നതായി പുതിയ പഠനങ്ങള് തെളിയിക്കുന്നു. അതിവേഗം വ്യാപിക്കുന്നതും, മാരകവുമായ സൗത്ത് ആഫ്രിക്കയില് കണ്ടെത്തിയ വൈറസുകളാണ് ന്യുയോര്ക്ക് സിറ്റിയില് കണ്ടെത്തിയിരിക്കുന്നതെന്ന് റിപ്പോര്ട്ടില് ചൂണ്ടികാണിച്ചു. ആ.1.526 എന്ന ജനിതക മാറ്റം സംഭവിച്ച വൈറസ് നവംബറിലാണ് ആദ്യമായി ന്യുയോര്ക്കില് കണ്ടെത്തിയത്. ഫെബ്രുവരി പകുതിയോടെ ഇത് 12% വര്ധിച്ചതായി കൊളംമ്പിയ യൂണിവേഴ്സിറ്റിയിലെ ഡോക്ടര്മാര് പറഞ്ഞു.
ഇതേ പഠന റിപ്പോര്ട്ട് കലിഫോര്ണിയ ഇന്സ്റ്റിറ്റ്യൂട്ട് ഓഫ് ടെക്നോളജിയും പുറത്തുവിട്ടിരുന്നു. ഇപ്പോള് ഉപയോഗിക്കുന്ന വാക്സീന് വൈറസുകളെ നിര്ജീവമാക്കുന്നതിനും, മാരകമായ രോഗങ്ങളെ ചെറുക്കുന്നതിനും മതിയായതാണെന്നാണു ഡോക്ടര്മാരുടെ അഭിപ്രായം. എന്നാല് ഇത്തരം വൈറസുകളെ പ്രതിരോധിക്കുന്നതിനുള്ള ബൂസ്റ്റര് ഷോട്ട്സ് കണ്ടെത്തുന്നതിനുള്ള ശ്രമം ആരംഭിച്ചതായും റിപ്പോര്ട്ടില് പറയുന്നു.