പി പി ചെറിയാൻ
വെർജീനിയ: അപ്രതീക്ഷിതമായ നീക്കത്തിലൂടെ വാരാന്ത്യത്തിൽ നൂറുകണക്കിന് ഇസ്രയേലി പൗരന്മാരെ കൊന്നൊടുക്കിയ ഹമാസിന്റെ നേതൃത്വത്തിലുള്ള വിനാശകരമായ നുഴഞ്ഞുകയറ്റത്തിന് മറുപടിയായി ഗാസയിലെ 2 ദശലക്ഷത്തിലധികം നിവാസികളുടെ വൈദ്യുതി, ഭക്ഷണം, ഇന്ധനം, വെള്ളം എന്നിവ വിച്ഛേദിക്കുമെന്ന് ഇസ്രായേൽ നേതാക്കൾ പറഞ്ഞതിന് പിന്നാലെ ഇസ്രയേൽ അന്താരാഷ്ട്ര നിയമം ലംഘിക്കുന്നുവെന്ന് ആരോപിച്ച് സെനറ്റർ ബെർണി സാൻഡേഴ്‌സ് ബുധനാഴ്ച ഇസ്രായേൽ സർക്കാരിനെ വിമർശിച്ചു രംഗത്തെത്തി .
അന്താരാഷ്ട്ര നിയമത്തിന്റെ ഗുരുതരമായ ലംഘനമാണിതെന്നും ആയിരക്കണക്കിന് കുട്ടികളും നൂറുകണക്കിന് ആളുകളും കഷ്ടപ്പെടാൻ ഇത് കാരണമാകും എന്നും അദ്ദേഹം പറഞ്ഞു.”സിവിലിയന്മാരെ ലക്ഷ്യം വയ്ക്കുന്നത് ആരായാലും ശരി അത് യുദ്ധക്കുറ്റമാണ്. നിരപരാധികളായ സാധാരണക്കാരെ ദ്രോഹിക്കുകയല്ലാതെ ഇത് മറ്റൊന്നും ചെയ്യില്ല. ” .സാൻഡേഴ്‌സ് ബുധനാഴ്ച പ്രസ്താവനയിൽ പറഞ്ഞു.
ഇസ്രായേലിൽ 1,000-ത്തിലധികം ആളുകളെ കൊന്നൊടുക്കിയ ഹമാസ് തീവ്രവാദികളുടെ ആക്രമണങ്ങളോട് പ്രതികരിക്കുന്നതിന് മുൻപ് അദ്ദേഹം ഇസ്രായേലിന് പിന്തുണ വാഗ്ദാനം ചെയ്തതിന് അമേരിക്കയെ പ്രശംസിച്ചു, എന്നാൽ ഗാസയിലെ സിവിലിയന്മാർക്കെതിരെ ഇസ്രായേൽ പ്രതിരോധ സേന തിരിച്ചടിക്കരുതെന്ന് അദ്ദേഹം പറഞ്ഞു.
“ഗാസയെ ആക്രമിക്കുന്ന ഇസ്രായേൽ സേനയിൽ നിന്ന് സംയമനം പാലിക്കാനും യുഎൻ മാനുഷിക നിയമങ്ങൾ ഉറപ്പാക്കാനും അമേരിക്ക നിർബന്ധിക്കണം. ഗാസയിലെ 20 ലക്ഷം ജനങ്ങളിൽ പകുതിയും കുട്ടികളാണെന്ന കാര്യം മറക്കരുത്. ഹമാസിന്റെ ചെയ്തികളുടെ പേരിൽ കുട്ടികളും നിരപരാധികളും ശിക്ഷിക്കപ്പെടാൻ അർഹരല്ല എന്നും അദ്ദേഹം പറഞ്ഞു. ഇസ്രായേൽ പൗരന്മാർക്ക് നേരെ ഹമാസിന്റെ ക്രൂരമായ അപ്രതീക്ഷിത ആക്രമണങ്ങളെ സാൻഡേഴ്‌സ് അപലപിച്ചു.
ഹമാസിന്റെ ആക്രമണത്തോട് പ്രതികരിക്കുന്നതിന് അമേരിക്ക ഇസ്രായേലിന് ഐക്യദാർഢ്യവും പിന്തുണയും വാഗ്ദാനം ചെയ്തിട്ടുണ്ട്. എന്നാൽ ഗാസയെ ആക്രമിക്കുന്ന ഇസ്രായേൽ സേനയിൽ നിന്ന് സംയമനം പാലിക്കണമെന്നും യുഎൻ മാനുഷിക പ്രവേശനം ഉറപ്പാക്കാൻ പ്രവർത്തിക്കണമെന്നും സാൻഡേഴ്‌സ് ആവശ്യപ്പെട്ടു
