പി പി ചെറിയാൻ
ഒക്‌ലഹോമ: തെക്കുപടിഞ്ഞാറൻ ഒക്‌ലഹോമ സിറ്റിയിലുണ്ടായ വെടിവെപ്പിൽ രണ്ട് പേർ കൊല്ലപ്പെട്ടു. വെസ്റ്റ് റെനോ അവന്യൂവിനും സൗത്ത് ചെക്ക് ഹാൾ റോഡിനും സമീപം ഒരു കൺവീനിയൻസ് സ്റ്റോറിന്റെ പാർക്കിംഗ് സ്ഥലത്താണ് വെടിവയ്പ്പ് നടന്നത്. ഉച്ചയ്ക്ക് 2.30ഓടെ സ്ഥലത്തെത്തിയ ഉദ്യോഗസ്ഥർ വെടിവയ്പ്പിൽ പരിക്കേറ്റ ഒരു പുരുഷനെയും ഒരു സ്ത്രീയെയും കണ്ടെത്തി.
ഒക്‌ലഹോമ സിറ്റി പോലീസ് പറയുന്നതനുസരിച്ച്, പരിക്കേറ്റവരെ പ്രാദേശിക ആശുപത്രിയിൽ പ്രവേശിപ്പിച്ചെങ്കിലും ഇരുവരും മരണത്തിന് കീഴടങ്ങുകയായിരുന്നു. സംഭവസ്ഥലത്ത് വെടിയുണ്ടകളുള്ള രണ്ട് കാറുകളും നിലത്ത് വസ്ത്രങ്ങളും കണ്ടെത്തിയതായി പോലീസ് പറയുന്നു. പ്രതിയെ കുറിച്ച് ഇതുവരെ പോലീസിന് വിവരം ലഭിച്ചിട്ടില്ല.
