ന്യൂജേഴ്സി: അമേരിക്കയിലെ ന്യൂജേഴ്സിയില് ഇന്ത്യക്കാരായ ദമ്പതികളെ ഫ്ളാറ്റിനുള്ളിൽ മരിച്ച നിലയില് കണ്ടെത്തി. സോഫ്റ്റ് വെയര് എന്ജിനീയര്മാരായ ബാലാജി ഭരത് രുദ്രവാര് (32), ഭാര്യ ആരതി ബാലാജി (30) എന്നിവരാണ് മരിച്ചത്.ആരതി ഗർഭിണിയാണ്.
ഇവരുടെ നാലുവയസുകാരിയായ മകള് വീടിന്റെ ബാല്ക്കണിയില് ഒറ്റയ്ക്കു നിന്ന് കരയുന്നത് ശ്രദ്ധയില് പെട്ട അയല്വാസികള് അന്വേഷിച്ചെത്തിയപ്പോഴാണ് മരണ വിവരം അറിയുന്നത്.
നോര്ത്ത് ആര്ലിങ്ടണ് ബറോയിലുള്ള വീട്ടില് ബുധനാഴ്ചയാണ് മരിച്ച നിലയില് കണ്ടെത്തിയത്.
മഹാരാഷ്ട്ര ബീഡിലുള്ള ബാലാജിയുടെ അച്ഛന് ഭരത് രുദ്രാവറിനെ പൊലീസ് വ്യാഴാഴ്ചയാണ് വിവരമറിയിച്ചത്