ഭുവനേശ്വർ: ഒഡീഷയിലെ ബാലസോറിൽ 290 പേരുടെ മരണത്തിനിടയാക്കിയ ട്രെയിൻ അപകടവുമായി ബന്ധപ്പെട്ട് മൂന്ന് റെയിൽവേ ഉദ്യോഗസ്ഥർ അറസ്റ്റിൽ.
സീനിയർ സെക്ഷൻ എൻജിനിയർ അരുൺ കുമാർ മഹന്ത, സെക്ഷൻ എൻജിനിയർ മുഹമ്മദ് ആമിർ ഖാൻ, ടെക്നിഷ്യൻ പപ്പു കുമാർ എന്നിവരാണ് അറസ്റ്റിലായത്.
ഐപിസി 304, 201 വകുപ്പുകൾ പ്രകാരമാണ് ഇവരെ കസ്റ്റഡിയിലെടുത്തതെന്നും ഇവരുടെ ചില പ്രവൃത്തികളാണ് അപകടത്തിലേക്ക് നയിച്ചതെന്നും അന്വേഷണസംഘം അറിയിച്ചു.