പി പി ചെറിയാൻ
വാഷിംഗ്‌ടൺ ഡി സി : ഡൊണാൾഡ് ട്രംപിനെ കടന്നാക്രമിച്ചു ജോ ബൈഡൻ. ട്രംപ് ജനാധിപത്യത്തിന് കടുത്ത ഭീഷണിയാണെന്ന് ബൈഡൻ തന്റെ വോട്ടർമാർക്ക് മുന്നറിയിപ്പ് നൽകി. 2021 ജനുവരി 6 ന് നടന്ന ആക്രമണത്തിന്റെ വാർഷികത്തിന് ഒരു ദിവസം മുമ്പായിരുന്നു ബൈഡന്റെ പ്രസംഗം. അമേരിക്കയുടെ ഭരണസംവിധാനത്തെ തകർക്കാൻ ട്രംപ് ശ്രമിച്ചുവെന്ന് ബിഡൻ ആരോപിച്ചു. താൻ തിരഞ്ഞെടുക്കപ്പെട്ടാൽ തന്റെ രാഷ്ട്രീയ ശത്രുക്കൾക്കെതിരെ “പ്രതികാരം” ചെയ്യുമെന്ന് ട്രംപ് പ്രതിജ്ഞയെടുത്തുവെന്നും തന്റെ രണ്ടാം ടേമിന്റെ ആദ്യ ദിവസം മുതൽ ട്രംപ് സ്വേച്ഛാധിപതിയായി പ്രവർത്തിക്കുമെന്നും ബൈഡൻ സൂചിപ്പിച്ചു.
2020 ലെ പ്രസിഡന്റ് തിരഞ്ഞെടുപ്പിന്റെ ഫലങ്ങൾ അട്ടിമറിക്കാനുള്ള അക്രമാസക്തമായ ശ്രമത്തിൽ ട്രംപിന്റെ ഒരു കൂട്ടം അനുയായികൾ ക്യാപിറ്റലിൽ ഇരച്ചു കയറി. കലാപവുമായി ബന്ധപ്പെട്ട് ട്രംപിപ്പോൾ നാല് കേസുകൾ നേരിടുന്നുണ്ട്.
“ഏറ്റവും പ്രധാനപ്പെട്ട ചോദ്യങ്ങൾക്ക് ഉത്തരം നൽകാൻ ഞങ്ങൾ ഇവിടെയുണ്ട്. ജനാധിപത്യം ഇപ്പോഴും അമേരിക്ക പവിത്രമായി കാണുന്നു ?” ബൈഡൻ പറഞ്ഞു. “ഇന്ന്, ഞാൻ പവിത്രമായ പ്രതിജ്ഞ ചെയ്യുന്നു: അമേരിക്കൻ ജനാധിപത്യത്തിന്റെ പ്രതിരോധവും സംരക്ഷണവും എന്റെ പ്രസിഡന്റ് സ്ഥാനത്തിന്റെ കേന്ദ്ര കാരണമായി നിലനിൽക്കും.”
“ഡൊണാൾഡ് ട്രംപിന്റെ പ്രചാരണം അദ്ദേഹത്തെക്കുറിച്ചാണ് – അമേരിക്കയല്ല, നിങ്ങളല്ല. ഡൊണാൾഡ് ട്രംപിന്റെ പ്രചാരണം ഭൂതകാലത്തിലാണ്, ഭാവിയിലല്ല. ട്രംപിന്റെ ജനാധിപത്യത്തിനെതിരായ ആക്രമണം അദ്ദേഹത്തിന്റെ ഭൂതകാലത്തിന്റെ ഭാഗം മാത്രമല്ല. അതാണ് അദ്ദേഹം ഭാവിയിലേക്ക് വാഗ്ദ്ധാനം ചെയ്യുന്നത്.” ബൈഡൻ കൂട്ടിച്ചേർത്തു
