പി പി ചെറിയാന്
വാഷിംഗ്ടണ് ഡി സി: ബക്കിംഗ്ഹാം കൊട്ടാരം രാജാവിന്റെ കാന്സര് രോഗനിര്ണയം പ്രഖ്യാപിച്ചതിന് ശേഷം തിങ്കളാഴ്ച ചാള്സ് മൂന്നാമന് രാജാവിനെക്കുറിച്ച് പ്രസിഡന്റ് ജോ ബൈഡന് ആശങ്ക പ്രകടിപ്പിച്ചു. ചൊവ്വാഴ്ച നെവാഡയുടെ പ്രസിഡന്ഷ്യല് പ്രൈമറിക്ക് മുന്നോടിയായി വ്ദാര ഹോട്ടലില് പാചക യൂണിയന് തൊഴിലാളികള്ക്കൊപ്പം ലാസ് വെഗാസില് നടന്ന ഒരു പ്രചാരണ പരിപാടിയിലാണ് ജോ ബൈഡന് ഇക്കാര്യം സംസാരിച്ചത്.
‘എനിക്ക് അദ്ദേഹത്തെക്കുറിച്ച് ആശങ്കയുണ്ട്. അദ്ദേഹത്തിന്റെ രോഗനിര്ണയത്തെക്കുറിച്ച് കേട്ടു. ദൈവം അനുവദിക്കുന്നുവെങ്കില് രാജാവുമായി സംസാരിക്കാന് കഴിയുമെന്ന് പ്രതീക്ഷിക്കുന്നതായും ബൈഡന് പറഞ്ഞു. 75 കാരനായ ബ്രിട്ടീഷ് ചക്രവര്ത്തി ചികിത്സയിലിരിക്കെ ചുമതലകള് മാറ്റിവയ്ക്കാന് ഡോക്ടര്മാര് ഉപദേശിച്ചതായി കൊട്ടാരം തിങ്കളാഴ്ച പ്രസ്താവനയില് അറിയിച്ചു.
കഴിഞ്ഞ മാസം പ്രോസ്റ്റേറ്റ് ചികിത്സയ്ക്കായി ലണ്ടന് ആശുപത്രിയില് രാജാവ് മൂന്ന് ദിവസം ചെലവഴിച്ചിരുന്നു. അതിനിടയില് ഡോക്ടര്മാര് കാന്സര് കണ്ടെത്തി. രാജാവിന് ഏത് തരത്തിലുള്ള ക്യാന്സറാണെന്ന് കൊട്ടാരം പ്രഖ്യാപിച്ചിട്ടില്ല. ഊഹക്കച്ചവടങ്ങള് തടയുന്നതിനാണ് ചാള്സ് തന്റെ രോഗനിര്ണയം വെളിപ്പെടുത്താന് തീരുമാനിച്ചതെന്നും ലോകമെമ്പാടുമുള്ള ക്യാന്സര് ബാധിതരായ എല്ലാവര്ക്കും ഇത് പൊതുജനങ്ങളെ മനസ്സിലാക്കാന് സഹായിക്കുമെന്ന പ്രതീക്ഷയിലാണ് എന്നും കൊട്ടാരം പറഞ്ഞു.
എലിസബത്ത് രാജ്ഞിയുടെ മരണശേഷം 2022-ല് രാജാവായി അധികാരമേറ്റ ചാള്സ്, എത്രയും വേഗം മുഴുവന് പബ്ലിക് ഡ്യൂട്ടിയിലേക്ക് മടങ്ങാന് ആഗ്രഹിക്കുന്നുവെന്നും പ്രസ്താവനയില് പറയുന്നു.