ഡാളസ്: അമേരിക്കയിലെ മലയാള മാധ്യമ ചരിത്രത്തില് ആദ്യമായി കാഴ്ചയുടെയും കേള്വിയുടെയും വായനാ ബോധത്തിന്റെയും നേര്വഴി തുറന്ന ഇന്ത്യ പ്രസ് ക്ലബ് ഓഫ് നോര്ത്ത് ടെക്സസ്സിനു (ഐ.പി.സി.എന്.റ്റി) ഊര്ജസ്വലമായി നയിക്കാന് പുതിയ ഭാരവാഹികളെ തിരഞ്ഞെടുത്തു. ഫെബ്രുവരി 17 ഞായറാഴ്ച വൈകീട്ട് ഗാര്ലാന്ഡ്ല ബെല്ല റെസ്റ്റോറന്റില് നിലവിലുള്ള പ്രസിഡന്റ് സിജു വി ജോര്ജിന്റെ അധ്യക്ഷതയില് ചേര്ന്ന വാര്ഷീക പൊതുയോഗം 2024-2026 വര്ഷത്തേക്കുള്ള എക്സിക്യൂട്ടീവ് കമ്മിറ്റി പ്രസിഡന്റ് ആയി സണ്ണി മാളിയേക്കല് (പ്രസിഡണ്ട്), സിജു വി ജോര്ജ് (വൈസ് പ്രസിഡന്റ്), ബിജിലി ജോര്ജ്( സെക്രട്ടറി), അനശ്വര് മാമ്പിള്ളില് (ജോയിന്റ് സെക്രട്ടറി), പ്രസാദ് തിയോഡിക്കല് (ട്രഷറര്), തോമസ് ചിറമേല് (ജോയിന്റ് ട്രഷറര്), അഡ്വൈസറി ബോര്ഡ് ചെയര്മാന് ബെന്നി ജോണ് അഡ്വൈസറി ബോര്ഡ് അംഗങ്ങളായി പി പി ചെറിയാന്, സാം മാത്യു എന്നിവരെയും തിരഞ്ഞെടുത്തു.
തുടര്ന്ന് പ്രവര്ത്തന റിപ്പോര്ട്ട് സെക്രട്ടറി സാം മാത്യുവും വരവ് ചെലവ് കണക്കുകള് ട്രഷറര് ബെന്നി ജോണും അവതരിപ്പിച്ചു. ചര്ച്ചകള്ക്കു ശേഷം റിപ്പോര്ട്ടും കണക്കും യോഗം അംഗീകരിച്ചു. കഴിഞ്ഞ രണ്ടു വര്ഷം വിജയകരമായി പ്രവര്ത്തിക്കുവാന് പിന്തുണ നല്കിയ എല്ലാവര്ക്കും പ്രസിഡന്റ് നന്ദി പറഞ്ഞു. നോര്ത്ത് അമേരിക്കയിലെ മലയാളി സമൂഹത്തിന്റെ നിത്യജീവിത അവസ്ഥകള് പങ്കുവെയ്ക്കുന്നതിനോടൊപ്പം മാധ്യമ പ്രവര്ത്തകര് തമ്മിലുള്ള ഊഷ്മളമായ ബന്ധം ഊട്ടിയുറപ്പിക്കാന് ഐ.പി.സി.എന്.റ്റി പ്രതിജ്ഞാബദ്ധമാണെന്ന് നിയുക്ത ചാപ്റ്റര് പ്രസിഡന്റ് സണ്ണി മാളിയേക്കല് പറഞ്ഞു.
കര്മഭൂമിയിലെ മാധ്യമങ്ങളുടെ സുഗമവും സുതാര്യവുമായ പ്രവര്ത്തനങ്ങള്ക്ക് ചാലക ശക്തിയായി നിലനിന്നുകൊണ്ട്, പുതു തലമുറയെയും മാധ്യമ രംഗത്തേക്ക് കൊണ്ടുവരികയാണ് സംഘടനയുടെ ലക്ഷ്യമെന്നും അദ്ദേഹം കൂട്ടിച്ചേര്ത്തു. ബെന്നി ജോണിന്റെ നേതൃത്വത്തിലുള്ള അഡൈ്വസറി ബോര്ഡിനാടും ഐക്യദാര്ഢ്യം പ്രകടിപ്പിച്ചുകൊണ്ടാവും സംഘടന പ്രവര്ത്തിക്കുകയെന്ന് പ്രസിഡന്റ് സണ്ണി മാളിയേക്കല് വ്യക്തമാക്കി.