പെരുമ്പാവൂര്‍: ഒളിവില്‍പ്പോയ കോണ്‍ഗ്രസ് എംഎല്‍എ എല്‍ദോസ് കുന്നപ്പിള്ളിയെ കണ്ടെത്താന്‍ ഡിവൈഎഫ്ഐ തെരച്ചിലിനിറങ്ങുന്നു. ഡിവൈഎഫ്ഐ പെരുമ്പാവൂര്‍ ബ്ലോക്ക് കമ്മിറ്റിയാണ് ഒളിവില്‍ കഴിയുന്ന എംഎല്‍എ കണ്ടെത്താന്‍ പ്രതീകാത്മക തെരച്ചില്‍ സംഘടിപ്പിക്കുന്നത്. എംഎല്‍എയെ കണ്ടെത്താന്‍ നാളെ വൈകീട്ട് 5 മണിമുതല്‍ പെരുമ്പാവൂര്‍ നഗരത്തില്‍ മുഴുവന്‍ ‘തെരച്ചില്‍’ നടത്തും. എംഎല്‍എയെ കണ്ടെത്താന്‍ സഹായിക്കുന്നവര്‍ക്ക് പാരിതോഷികവും നല്‍കുമെന്ന് ഡിവൈഎഫ്ഐ അറിയിച്ചു.
