കോഴിക്കോട്: കോഴിക്കോട് മെഡിക്കല് കോളേജിന് സമീപം ആദിവാസി യുവാവ് വിശ്വനാഥ് തൂങ്ങിമരിച്ച നിലയില് കണ്ടെത്തിയ സംഭവം ആത്മഹത്യയെന്ന് പോസ്റ്റ്മോര്ട്ടം റിപ്പോര്ട്ട്. ശരീരത്തില് മര്ദനമേറ്റപാടുകളില്ലെന്നും പോസ്റ്റ്മോര്ട്ടം റിപ്പോര്ട്ടില് പറയുന്നു.
ഭാര്യയുടെ പ്രസവത്തിന് കൂട്ടിരിപ്പുകാരനാി എത്തിയ വിശ്വനാഥനെ എട്ടാം തീയതിയായിരുന്നു ആശുപത്രിയില് നിന്ന് കാണാതായത്. രണ്ടു ദിവസങ്ജള്ക്കുശേഷം ആശുപത്രിക്ക് സമീപത്തെ മരത്തില് വിശ്വനാഥനെ തൂങ്ങിമരിച്ച നിലയില് കണ്ടെത്തുകയായിരുന്നു. മോഷണക്കുറ്റം ആരോപിച്ച് സുരക്ഷാ ജീവനക്കാര് ചോദ്യം ചെയ്തതിന് പിന്നാലെയായിരുന്നു യുവാവിനെ കാണാതായതെന്നാണ് വീട്ടുകാര് ആരോപിക്കുന്നത്.
രോഗിയുടെ കൂട്ടിരിപ്പുകാര്ക്ക് ഇരിക്കാനുളള സ്ഥലത്ത് ഇരിക്കുന്നതിനിടെ ഒരാളുടെ പഴ്സും മൊബൈല് ഫോണും നഷ്ടപ്പെട്ടു. വിശ്വനാഥനാണ് ഇത് മോഷ്ടിച്ചത് എന്നാരോപിച്ചായിരുന്നു ആക്രമണം. അപമാനഭാരം സഹിക്കവയ്യാതെയാണ് മകന് ആത്മഹത്യ ചെയ്തതെന്നാണ് കുടുംബം ആരോപിക്കുന്നത്.
എട്ടുവര്ഷത്തെ കാത്തിരിപ്പിനൊടുവിലാണ് വിശ്വനാഥന് കുഞ്ഞ് പിറന്നത്. ഇയാളുടെ മരണവുമായി ബന്ധപ്പെട്ട് നിരവധി പരാതികള് ഇതിനോടകം പോലീസിന് ലഭിച്ചിട്ടുണ്ട്. സംഭവുമായി ബന്ധപ്പെട്ട് മെഡിക്കല് കോളേജിലെ സിസിടിവി ദൃശ്യങ്ങളും പരമാവധി മൊഴികളും പോലീസ് രേഖപ്പെടുത്തിയിട്ടുണ്ട്.