കോഴിക്കോട്: റെയിൽവേ സ്റ്റേഷനിൽ നിർത്തിയിട്ട ട്രെയിനിൽ തീവയ്ക്കാൻ ശ്രമം. സംഭവത്തിൽ മഹാരാഷ്ട്ര സ്വദേശിയായ 20കാരൻ പിടിയിലായി. യുവാവ് കംപാർട്ട്‌മെന്റിനകത്തെ സുരക്ഷാ മുന്നറിയിപ്പ് രേഖപ്പെടുത്തിയ പ്ലാസ്റ്റിക് സ്റ്റിക്കർ പൊളിച്ചെടുത്ത് അതിന് തീ കൊടുക്കാൻ ശ്രമിച്ചതായാണ് റിപ്പോർട്ട്.
ഇന്ന് ഉച്ചയ്ക്ക് 2.20ന് കോഴിക്കോട് സ്റ്റേഷനിലെത്തിയ കണ്ണൂർ – എറണാകുളം ഇന്റർസിറ്റിക്കുള്ളിലാണ് സംഭവം. യുവാവ് മാനസികവെല്ലുവിളി നേരിടുന്നയാളാണെന്ന് സംശയമുണ്ട്. യുവാവിനെ യാത്രക്കാർ പിടികൂടി ആർ പി എഫിന് കെെമാറുകയായിരുന്നു.
കഴിഞ്ഞ വ്യാഴാഴ്ച കണ്ണൂരിൽ നിർത്തിയിട്ട ട്രെയിനിലെ ഒരു ബോഗി തീയിട്ട് നശിപ്പിച്ച സംഭവത്തിന് പിന്നാലെയാണ് പുതിയ സംഭവം റിപ്പോർട്ട് ചെയ്തിരിക്കുന്നത്.
