![nava perum](https://i0.wp.com/keralatimes.com/wp-content/uploads/2023/12/nava-perum.jpg?resize=696%2C382&ssl=1)
നവകേരള സദസ്സിൽ പങ്കെടുക്കുന്ന ആളുകൾക്ക് വഴിയൊരുക്കാൻ പെരുമ്പാവൂരിൽ സ്കൂൾ മതിൽ പൊളിച്ചു. പ്രധാന വേദിയുടെ അരികിലേക്ക് എത്തുവാൻ പെരുമ്പാവൂർ ഗവൺമെന്റ് ബോയ്സ് ഹയർസെക്കൻഡറി സ്കൂളിന്റെ മൈതാനിയുടെ തെക്കേ അറ്റത്തോട് ചേർന്നുള്ള ഭാഗത്താണ് മതിൽ പൊളിച്ചത്.
തൃശൂരിലെ നവ കേരള സദസ് മൂന്നാം ദിവസത്തിലേക്ക് കടക്കുമ്പോൾ, പ്രതിഷേധങ്ങളുടെ പശ്ചാത്തലത്തില് കനത്ത സുരക്ഷയാണ് ജില്ലയുടെ വിവിധ ഇടങ്ങളില് ഒരുക്കിയിട്ടുള്ളത്. ഇന്ന് കൈപ്പമംഗലം, ഇരിങ്ങാലക്കുട, കൊടുങ്ങല്ലൂര്, പുതുക്കാട് മണ്ഡലങ്ങളില് ആണ് നവകേരള സദസ്സ് നടക്കുക. തൃശൂര് രാമനിലയത്തിലാണ് ഇന്നത്തെ മന്ത്രിസഭായോഗം നടക്കുക.
പുത്തൂര് സുവോളജിക്കല് പാര്ക്കിലാണ് ഇന്നത്തെ മന്ത്രിമാരുടെ പ്രഭാത നടത്തം. ഹൈക്കോടതി പരാമര്ശത്തെ തുടര്ന്ന് പുത്തൂര് സുവോളജിക്കല് പാര്ക്കില് നിന്ന് നവ കേരളത്തിന്റെ വേദി മാറ്റിയിരുന്നു. നാളെ നടക്കുന്ന ചാലക്കുടി മണ്ഡലത്തിലെ നവ കേരള സദസോടുകൂടി തൃശൂര് ജില്ലയിലെ പരിപാടികള് അവസാനിക്കും.