ഒമാനിൽ കനത്ത മഴ നാലാം ദിവസവും തുടരുന്നു. ഇന്നലെ രണ്ടു പേർ കൂടി ഒഴുക്കിൽപ്പെട്ട് മരിച്ചു. നിസ്വയിൽ മൂന്ന് ദിവസം മുമ്പ് കാണാതായ ആളുടെ മൃതദേഹം കണ്ടെത്തി. ഇതോടെ മഴമൂലമുള്ള മരണ സംഖ്യ അഞ്ചായി. നാലുപേർ ഒഴുക്കിൽപ്പെട്ടും ഒരാൾ ഇടിമിന്നലെറ്റുമാണു മരിച്ചത്. സാനാവിനടുത്ത് ഖദറയിൽ വെള്ളം ഉയർന്നത് ജനജീവന് ഭീഷണിയായിട്ടുണ്ട് . ആദം ഇബ്രി, ബിഡ് ബിഡ്, സുർ, ഇബ്ര ,സോഹാർ, ബഹല എന്നിവിടങ്ങളിലും കനത്ത മഴ തുടരുന്നു .ബഹലയിൽ കനത്ത തോതിൽ ആലിപ്പഴ വർഷവും ഉണ്ടായിരുന്നു. സുർ ഇബ്ര റൂട്ടിൽ ബിഡ് ബിഡിൽ റോഡ് ഒലിച്ചുപോയി ഗതാഗതം താറുമാറായി.