![Markus-Braun-24062020326329_1592971552](https://i0.wp.com/keralatimes.com/wp-content/uploads/2020/06/Markus-Braun-24062020326329_1592971552.jpg?resize=696%2C392&ssl=1)
ബെർലിൻ: ജർമനിയിലെ മുൻനിര സാമ്പത്തികസേവന കമ്പനി വയർകാർഡിൽ ശതകോടികളുടെ സാമ്പത്തിക തട്ടിപ്പുമായി ബന്ധപ്പെട്ട് മുൻ മേധാവി മാർകസ് ബ്രൗൺ അറസ്റ്റിൽ. ചെറിയസംരംഭമായി തുടങ്ങി ജർമനിയിലെ ഏറ്റവും വലിയ കമ്പനികളിലൊന്നായി വയർകാർഡിനെ വളർത്തുന്നതിൽ നിർണായക പങ്കുവഹിച്ച ഒാസ്ട്രിയക്കാരനാണ് ബ്രൗൺ. ആസ്തി പെരുപ്പിച്ചുകാട്ടി നിക്ഷേപകരെ ആകർഷിക്കുകയെന്ന തന്ത്രമാണ് തിരിച്ചടിച്ചത്.
തട്ടിപ്പ് തിരിച്ചറിഞ്ഞതോടെ കഴിഞ്ഞ വർഷത്തെയും 2020 ആദ്യപാദത്തിലെയും സാമ്പത്തിക റിപ്പോർട്ട് കമ്പനി പിൻവലിച്ചിരുന്നു. ഇത്രയും തുക നഷ്ടമായിട്ടില്ലെന്നും ഇല്ലാത്ത കണക്ക് പെരുപ്പിച്ചു കാണിക്കുകയായിരുന്നുവെന്നും കമ്പനിതന്നെ വ്യക്തമാക്കിയിട്ടുണ്ട്.
കഴിഞ്ഞ വെള്ളിയാഴ്ചയാണ് ബ്രൗൺ രാജിവെച്ചത്. ചീഫ് ഓപറേറ്റിങ് ഓഫിസർ ജാൻ മാർസലെകിനെ പുറത്താക്കിയിട്ടുമുണ്ട്.