തിരുവനന്തപുരം: മലയാളത്തിലെ സമാന്തര സിനിമ പ്രസ്ഥാനത്തിന്റെ വളർച്ചയ്ക്ക് കരുത്തുപകർന്ന ടി.വി.ചന്ദന് ചലച്ചിത്ര രംഗത്തെ സമഗ്ര സംഭാവനയ്ക്കുള്ള 2022ലെ ജെ.സി. ഡാനിയേൽ പുരസ്കാരം. അഞ്ചു ലക്ഷം രൂപയും പ്രശസ്തിപത്രവും ശില്പവും അടങ്ങുന്നതാണ് സംസ്ഥാന സർക്കാരിന്റെ ഈ പരമോന്നത ചലച്ചിത്ര പുരസ്കാരം.
സംവിധായകൻ കെ.പി. കുമാരൻ ചെയർമാനും നടനും എഴുത്തുകാരനുമായ വി.കെ. ശ്രീരാമൻ, നടി രേവതി എന്നിവർ അംഗങ്ങളും ചലച്ചിത്ര അക്കാഡമി സെക്രട്ടറി സി.അജോയ് മെമ്പർ സെക്രട്ടറിയുമായ സമിതിയാണ് പുരസ്കാരം നിർണയിച്ചത്.
1993ൽ മികച്ച സംവിധായകനുള്ള ദേശീയപുരസ്കാരം ഉൾപ്പെടെ ഏഴ് ദേശീയ അവാർഡുകളും 10 സംസ്ഥാന ചലച്ചിത്ര അവാർഡുകളും നേടിയിട്ടുണ്ട്. ഭാര്യ: രേവതി ചന്ദ്രൻ, മകൻ യാദവൻ.