ശതകോടി അവസരങ്ങള് നല്കുന്ന റണ്വേയാണ് ഈ എയര് ഷോ എന്ന് പ്രധാനമന്ത്രി പറഞ്ഞു. ഇന്ത്യയുടെ ശേഷി പ്രകടമാക്കുന്നതാണ്. ഇന്ത്യ വിശ്വസനീയമായ സൈനിക പങ്കാളിയായി വളര്ന്നുവെന്ന് തെളിയിക്കുന്നതാണ്
ബംഗലൂരു: ഏഷ്യയിലെ ഏറ്റവും വലിയ എയര് ഷോ ആയ എയ്റോ ഇന്ത്യ 2023 ന് ബംഗലൂരുവില് തുടക്കം. എയ്റോ ഷോയുടെ 14ാമത് എഡീഷനാണ് ഇന്ന് ആരംഭിച്ചത്. ഷോ പ്രധാനമന്ത്രി നരേന്ദ്ര മോദി ഉദ്ഘാടനം ചെയ്തു. അഞ്ച് ദിവസം നീണ്ടുനില്ക്കുന്ന ആകാശ വിരുന്ന് യാലഹങ്ക എയര്ഫോഴ്സ് സ്റ്റേഷന് പരിസരത്താണ് നടക്കുന്നത്. ഇന്ത്യന് വ്യോമസേനയുടെ ശക്തിയും ശേഷിയും പ്രകടനമാക്കുന്നതാണ് ഈ ഷോ. സൈനിക വിമാനങ്ങള്, ഹെലികോപ്ടറുകള്, ഉപകരണങ്ങള്, വിമാനത്തിലെ പുതുതലമുറ ഇലക്ട്രോണിക്സിന്റെ പ്രയോഗം തുടങ്ങിയവയെല്ലാം വ്യോമപ്രദര്ശനത്തില് പ്രകടമാകും.
ശതകോടി അവസരങ്ങള് നല്കുന്ന റണ്വേയാണ് ഈ എയര് ഷോ എന്ന് പ്രധാനമന്ത്രി പറഞ്ഞു. ഇന്ത്യയുടെ ശേഷി പ്രകടമാക്കുന്നതാണ്. ഇന്ത്യ വിശ്വസനീയമായ സൈനിക പങ്കാളിയായി വളര്ന്നുവെന്ന് തെളിയിക്കുന്നതാണ് നൂറോളം രാജ്യങ്ങള് ഇതില് പങ്കാളിയാകുന്നുവെന്നത്. ഇന്ത്യയ്ക്കകത്തും പുറത്തുനിന്നുമായി 700 ഓളം പങ്കാളികള് ഈ എയര് ഷോയില് പങ്കെടുക്കുന്നു. ഇത് മുന്കാലങ്ങളിലെ റെക്കോര്ഡ് ആണ് തകര്ത്തിരിക്കുന്നതെന്നും അദ്ദേഹം പറഞ്ഞു.