ദുബൈ: യു.എ.ഇയിൽ ഇന്ധന വില കുറയും. പെട്രോൾ ലിറ്ററിന് 21 ഫിൽസും ഡീസൽ 35 ഫിൽസുമാണ് കുറയുന്നത്. പുതുക്കിയ നിരക്ക് വ്യാഴാഴ്ച മുതൽ പ്രാബല്യത്തിൽ വരും.
സൂപ്പർ പെട്രോൾ 3.16 ദിർഹമിൽ നിന്ന് 2.95 ദിർഹമായി കുറയും. സ്പെഷ്യൽ പെട്രോൾ 3.05 ദിർഹമായിരുന്നത് 2.84 ദിർഹമായി താഴും. ഇ പ്ലസ് പെട്രോളിന്‍റെ പുതുക്കിയ നിരക്ക് 2.76 ദിർഹമാണ്. നേരത്തെ 2.97 ദിർഹമായിരുനനു. ഡീസലിന് 3.03 ദിർഹമിൽ നിന്ന് 2.68 ദിർഹമായാണ് കുറയുന്നത്.
കഴിഞ്ഞ മാസവും ഇന്ധനവിലയിൽ കുറവ് രേഖപ്പെടുത്തിയിരുന്നു. ഇന്ധനവില കുറഞ്ഞതോടെ വിവിധ എമിറേറ്റുകളിലെ ടാക്സി നിരക്കിലും കുറവുണ്ടാകും. ഇന്ധന വില അനുസരിച്ചാണ് ടാക്സി നിരക്കുകൾ നിശ്ചയിക്കുന്നത്.
