ദുബായി: ഐസിസി ടെസ്റ്റ് ബൗളിംഗ് റാങ്കിംഗില്‍ ഒന്നാം സ്ഥാനം സ്വന്തമാക്കി ഇന്ത്യന്‍ സ്പിന്നര്‍ രവിചന്ദ്രൻ അശ്വിന്‍. ഏഴ് വർഷത്തിന് ശേഷമാണ് അശ്വിന്‍ ഒന്നാം സ്ഥാനത്ത് തിരികെയെത്തുന്നത്. ഓസീസിനെതിരായ ടെസ്റ്റ് പരന്പരയിലെ മിന്നുന്ന പ്രകടനമാണ് താരത്തിന് തുണയായത്.
ഇംഗ്ലണ്ട് പേസർ ജെയിംസ് ആന്‍ഡേഴ്‌സണിനെ മറികടന്നാണ് അശ്വിന്‍ നേട്ടം കെെവരിച്ചത്. അഞ്ച് വര്‍ഷം ഒന്നാം സ്ഥാനത്തിരുന്ന ഓസ്ട്രേലിയൻ നായകൻ പാറ്റ് കമിന്‍സിനെ മറികടന്ന് കഴിഞ്ഞ ആഴ്‌ചയാണ് ആന്‍ഡേഴ്‌സൺ ഒന്നാമത് എത്തിയത്.
ഇന്ത്യൻ താരം രവീന്ദ്ര ജഡേജ ഒരു സ്ഥാനം മെച്ചപ്പെടുത്തി പട്ടികയിൽ എട്ടാമതെത്തി. ഏറെക്കാലമായി പരിക്കിന്‍റെ പിടിയിലായ ഇന്ത്യൻ പേസർ ജസ്പ്രീത് ബുംറ പട്ടികയിൽ നാലാമതാണ്.
