ട്രംപ്: “ദശലക്ഷക്കണക്കിന് ആളുകളെ കൊല്ലുന്നത് നിര്‍ത്തണം”
റഷ്യ-യുക്രെയ്ന്‍ യുദ്ധം അവസാനിപ്പിക്കണമെന്ന് ആഹ്വാനം
വാഷിങ്ടന്‍: റഷ്യ-യുക്രെയ്ന്‍ യുദ്ധം അവസാനിപ്പിക്കണമെന്ന് ആവശ്യപ്പെട്ട് യുഎസ് പ്രസിഡന്റ് ഡോണള്‍ഡ് ട്രംപ്. യുദ്ധം ഒഴിവാക്കാന്‍ റഷ്യന്‍ പ്രസിഡന്റ് വ്‌ളാഡിമിര്‍ പുട്ടിനും യുക്രെയ്ന്‍ പ്രസിഡന്റ് വൊളോഡിമിര്‍ സെലെന്‍സ്‌കിയും ഒരുമിച്ച് പ്രവര്‍ത്തിക്കുമെന്ന് കരുതുന്നതായും അദ്ദേഹം പറഞ്ഞു.വൈറ്റ് ഹൗസില്‍ മാധ്യമപ്രവര്‍ത്തകരോട് സംസാരിക്കുമ്പോള്‍ “ദശലക്ഷക്കണക്കിന് ആളുകളെ കൊല്ലുന്നത് നിര്‍ത്താനാണ് ഞങ്ങള്‍ ആഗ്രഹിക്കുന്നത്” എന്ന് ട്രംപ് വ്യക്തമാക്കി.അതേസമയം, യുക്രെയ്നെ ഒഴിവാക്കി ട്രംപിന്റെ ഉന്നത ഉദ്യോഗസ്ഥര്‍ സൗദിയില്‍ റഷ്യന്‍ പ്രതിനിധികളുമായി ചര്‍ച്ച നടത്തിയതായി റിപ്പോര്‍ട്ടുകളുണ്ട്. ഇതിനെതിരെ യുക്രെയ്ന്‍ കടുത്ത പ്രതിഷേധം രേഖപ്പെടുത്തി.ഇതിനിടെ, റഷ്യയുമായി ധാരണയിലെത്താതിരുന്നതിന് സെലെന്‍സ്‌കിയെ കുറ്റപ്പെടുത്തിയ ട്രംപ്, യുദ്ധത്തിന് ഉത്തരവാദി യുക്രെയ്നാണെന്നും റഷ്യയുമായി സമവായം ഉണ്ടാക്കേണ്ടിയിരുന്നുവെന്നും അഭിപ്രായപ്പെട്ടു
