വിമാനം വൈകിയതിനെ തുടർന്ന് ദമ്പതികളെ വിമാനത്താവളത്തിൽ കസ്റ്റഡിയിലെടുത്തു

ഫ്ലോറിഡ: മിയാമി അന്താരാഷ്ട്ര വിമാനത്താവളത്തിൽ വിമാനം വൈകിയതിനെ തുടർന്ന് സുരക്ഷാ ഉദ്യോഗസ്ഥരുമായി തർക്കത്തിലേർപ്പെട്ട ദമ്പതികളെ അറസ്റ്റ് ചെയ്തു. മെക്സിക്കോയിലേക്കുള്ള വിമാനത്തിൽ ബലം പ്രയോഗിച്ച് കയറാൻ ശ്രമിക്കുകയും എയർലൈൻ ജീവനക്കാരെ ആക്രമിക്കുകയും ചെയ്ത സംഭവത്തിന്റെ പശ്ചാത്തലത്തിലാണ് അറസ്റ്റ്.റാഫേൽ സെയ്‌റാഫെ-നോവേസ്, ബിയാട്രിസ് റാപ്പോപോർട്ട് ഡി കാമ്പോസ് മായ എന്നിവരെയാണ് മിയാമി അന്താരാഷ്ട്ര വിമാനത്താവളത്തിൽ ഞായറാഴ്ച കസ്റ്റഡിയിലെടുത്തതെന്ന് അധികൃതർ സ്ഥിരീകരിച്ചു. ദമ്പതികൾ വിമാനത്താവളത്തിൽ വൈകിയെത്തിയതിനു പിന്നാലെ ഒരു ജീവനക്കാരനെ ആക്രമിച്ചെന്നാണ് മിയാമി-ഡേഡ് കൗണ്ടി ഷെരീഫ് ഓഫീസിന്റെ വിശദീകരണം.ഒരു ഉദ്യോഗസ്ഥനെ എതിർത്തതിനും അതിക്രമിച്ചു കയറിയതിനുമായി സെയ്‌റാഫെ-നോവേസിനെതിരെ കേസ് എടുത്തിട്ടുണ്ട്. അതേസമയം, മായയ്‌ക്കെതിരെ രണ്ട് കുറ്റങ്ങൾ ചുമത്തിയിട്ടുണ്ട്. വിമാനത്തിൽ കയറാൻ അനുവദിക്കാത്തതിനോടെയാണ് ഇവർ അതിക്രമം നടത്തിയത് എന്ന് റിപ്പോർട്ടുകൾ വ്യക്തമാക്കുന്നു.