ന്യൂയോർക്ക്: ആമസോൺ സ്ഥാപകനും അമേരിക്കൻ ശതകോടീശ്വരനുമായ ജെഫ് ബെസോസിന്റെയും പ്രതിശ്രുതവധു ലോറൻ സാഞ്ചസിന്റെയും വിവാഹം ഇറ്റലിയിലെ വെനീസിൽ നടക്കുമെന്ന് റിപ്പോർട്ട്. 2023 മേയിൽ ഇവർ വിവാഹനിശ്ചയം നടത്തിയിരുന്നു.
ആഡംബര നൗകയിൽ വിവാഹച്ചടങ്ങ്
അഞ്ഞൂറു മില്യൺ ഡോളർ വിലമതിക്കുന്ന ബെസോസിന്റെ ആഡംബര നൗകയിൽ ഇറ്റാലിയൻ തീരത്തായിരിക്കും വിവാഹചടങ്ങ്. ലോറനെ പ്രൊപ്പോസ് ചെയ്തതും വിവാഹനിശ്ചയ പാർട്ടി നടത്തിയതും ഇതേ നൗകയിലാണ്.
പ്രമുഖർ പങ്കെടുക്കും
വിവാഹത്തിന്റെ കൃത്യമായ തീയതി പുറത്തുവിട്ടിട്ടില്ലെങ്കിലും ജൂൺ മാസത്തിൽ വിവാഹം നടക്കുമെന്ന് ദേശീയ മാധ്യമങ്ങൾ റിപ്പോർട്ട് ചെയ്യുന്നു. സാങ്കേതിക, സിനിമാ, വ്യാപാര മേഖലകളിലെ പ്രമുഖർ ചടങ്ങിൽ പങ്കെടുക്കുമെന്നാണ് കരുതുന്നത്.
2018-ൽ ജെഫും ലോറനും ഡേറ്റിംഗ് ആരംഭിച്ചപ്പോൾ, ഒരു വർഷത്തിന് ശേഷം 2019-ൽ ഇവർ ബന്ധം ഔദ്യോഗികമായി പരസ്യപ്പെടുത്തിയിരുന്നു.
