ഗൂഗിളിന്റെ ഏറ്റവും മെച്ചപ്പെട്ട എഐ മോഡല്‍ ജെമിനി 2.5 പുറത്തിറക്കി
കാലിഫോര്‍ണിയ: ലോക ടെക് രംഗത്ത് വന്‍ ആകാംക്ഷയോടെ കാത്തിരുന്ന ഗൂഗിളിന്റെ ഏറ്റവും പുതിയ എഐ മോഡല്‍ ജെമിനി 2.5 അവതരിപ്പിച്ചു. അത്യാധുനിക ബുദ്ധിമുട്ടുള്ള കണക്കുകൂട്ടലുകളും അവലോകനങ്ങളും നിര്‍വഹിക്കാനുള്ള കഴിവുള്ള ഈ മോഡല്‍, മുൻ പതിപ്പുകളെ അപേക്ഷിച്ച് ഗണ്യമായ മെച്ചപ്പെടുത്തലുകള്‍ ഉള്‍ക്കൊള്ളുന്നതായി കമ്പനി വ്യക്തമാക്കിയിട്ടുണ്ട്.
ടെക്നോളജി മേഖലയില്‍ എഐ മോഡലുകള്‍ക്കിടയിലെ കടുത്ത മത്സരത്തിലാണ് ഗൂഗിള്‍ പുതിയ മോഡല്‍ അവതരിപ്പിച്ചത്. ജെമിനി 2.5 നിലവില്‍ ഗൂഗിള്‍ എഐ സ്റ്റുഡിയോയിലും ജെമിനി അഡ്വാന്‍സ്ഡിലും ലഭ്യമാണ്. മള്‍ട്ടിമോഡല്‍ കഴിവുകള്‍, മികച്ച കോഡിംഗ് പിന്തുണ, വലിയ ഡാറ്റാസെറ്റുകള്‍ വിശകലനം ചെയ്യാനുള്ള ശക്തി എന്നിവയാണ് ഈ പതിപ്പിന്റെ പ്രധാന സവിശേഷതകള്‍.
യുക്തിസഹമായ നിഗമനത്തിലെത്താനും വിവരങ്ങള്‍ സംയുക്തമായി മനസ്സിലാക്കാനും ജെമിനി 2.5ന് കഴിഞ്ഞേക്കുമെന്നാണ് വിദഗ്ധര്‍ വിലയിരുത്തുന്നത്. വെബ്, കോഡ് ആപ്ലിക്കേഷനുകള്‍ സൃഷ്ടിക്കുന്നതും കോഡ് പരിവര്‍ത്തന ജോലികള്‍ പൂര്‍ത്തിയാക്കുന്നതും ഇതിലൂടെ എളുപ്പമാകും. ചിത്രങ്ങള്‍, വീഡിയോകള്‍, കോഡുകള്‍ എന്നിവ പ്രോസസ് ചെയ്യുന്നതിനുള്ള ശേഷിയും വലിയ തോതില്‍ വര്‍ദ്ധിപ്പിച്ചിരിക്കുന്നതായി കമ്പനി അവകാശപ്പെടുന്നു. ഡെവലപ്പര്‍മാര്‍ക്കും സംരംഭങ്ങള്‍ക്കും ഉപകാരപ്രദമാകുന്ന വിധത്തിലാണ് ഈ മോഡല്‍ രൂപകല്‍പ്പന ചെയ്തിരിക്കുന്നതെന്നും വിലയിരുത്തപ്പെടുന്നു.
ഗൂഗിള്‍ ജെമിനി 2.5യുടെ വില്‍പ്പന സംബന്ധിച്ച വിശദാംശങ്ങള്‍ ഉടന്‍ പുറത്തുവിടുമെന്ന് കമ്പനി അറിയിച്ചു. പുതിയ മോഡല്‍ ടെക് ലോകത്ത് വലിയ ചലനം സൃഷ്ടിക്കുമെന്നുറപ്പാണ്.
