പകരച്ചുങ്കത്തില്‍ പിന്മാറ്റം; അനുനയ ചുവടുവച്ച് ട്രംപ്, ഇന്ത്യക്ക് പ്രതീക്ഷ
വാഷിങ്ടണ്‍: ആഗോള വിപണിയെ ചുലുക്കിയ പകരച്ചുങ്ക നയത്തില്‍ നിന്ന് യു.എസ് പ്രസിഡന്റ് ഡോണള്‍ഡ് ട്രംപ് പിന്‍മാറുന്ന സൂചനകള്‍. ഇന്ത്യ, വിയറ്റ്‌നാം, ഇസ്രായേല്‍ തുടങ്ങിയ രാജ്യങ്ങളുമായി പുതിയ വ്യാപാര ചര്‍ച്ചകള്‍ പുരോഗമിക്കുകയാണെന്ന് അന്താരാഷ്ട്ര മാധ്യമങ്ങള്‍ റിപ്പോര്‍ട്ട് ചെയ്യുന്നു. ട്രംപ് തന്നെ ഈ ചര്‍ച്ചകള്‍ക്ക് നേതൃത്വം നല്‍കുന്നുണ്ടെന്നും പകരച്ചുങ്കം പൂര്‍ണമായും ഒഴിവാക്കാന്‍ ലക്ഷ്യമിട്ടുള്ള നടപടികളാണ് തുടരുന്നതെന്നും റിപ്പോര്‍ട്ടില്‍ വ്യക്തമാക്കുന്നു.
ഇന്ത്യയുടെ ഉല്‍പ്പന്നങ്ങള്‍ക്ക് യു.എസ് നേരത്തെ ഏര്‍പ്പെടുത്തിയിരുന്ന 26 ശതമാനം വരെ പകരച്ചുങ്കം വ്യാപാര മേഖലയില്‍ വലിയ തിരിച്ചടിയായിരുന്നു. ഇതിന്റെ പ്രതിഫലനം സെന്‍സസ് കണക്കുകളിലും സ്വര്‍ണവിലയിലുമുണ്ടായി. വ്യാപാര മേഖലയെ അനിശ്ചിതത്വത്തിലേക്ക് തള്ളിയ നടപടികള്‍ക്കെതിരെ യൂറോപ്യന്‍ യൂണിയന്‍ ഉള്‍പ്പെടെ നിരവധി രാജ്യങ്ങള്‍ ശക്തമായി വിമര്‍ശനം ഉയർത്തിയിരുന്നു.
ഇതിനിടെ യു.എസ് നിലവിലെ നയം ലാഘവത്തിലേക്ക് തിരിയുന്നത് ഇന്ത്യയ്‌ക്കായി നല്ല സാധ്യതകള്‍ സൃഷ്ടിക്കുന്നു. ഇരുരാജ്യങ്ങളുടെയും വ്യാപാരബന്ധങ്ങള്‍ക്ക് പുതുജീവന്‍ നല്‍കാനും സാമ്പത്തിക തലത്തില്‍ ഇന്ത്യയെ ശക്തിപ്പെടുത്താനും പുതിയ അനുനയ ചുവടുകള്‍ സഹായകരമാകുമെന്നുമാണ് വിദഗ്ധര്‍ വിലയിരുത്തുന്നത്.
