മനുഷ്യവാസമില്ലാത്ത ദ്വീപിന് യുഎസ് തീരുവ ചുമത്തി; ട്രംപിന്റെ നടപടി പരിഹാസമായി മാറുന്നു
ന്യൂയോര്‍ക്ക്: അമേരിക്കന്‍ പ്രസിഡന്റ് ഡോണള്‍ഡ് ട്രംപ് ഭരണം തുടരുമ്പോള്‍ പലവിധ ആശ്ചര്യങ്ങളെയും വിവാദങ്ങളെയും അടയാളപ്പെടുത്തുന്ന തീരുമാനങ്ങളാണ് പൊതുജന ശ്രദ്ധ നേടുന്നത്. ഏറ്റവും പുതിയത്, മനുഷ്യവാസം ഇല്ലാത്തതും പരിസ്ഥിതി സംരക്ഷണത്തിനുള്ളതുമായ മക്‌ഡൊണാള്‍ഡ് ദ്വീപിന് ഇറക്കുമതി തീരുവ പ്രഖ്യാപിച്ചതാണ്.
ഓസ്‌ട്രേലിയയില്‍ നിന്ന് ഏകദേശം 4000 കിലോമീറ്റര്‍ അകലെയുള്ള ഈ ദ്വീപ്, പെന്‍ഗ്വിനുകളും സീലുകളും മാത്രമേ ആകെയുള്ളതായുള്ള വിവരങ്ങളോടെയാണ് ശ്രദ്ധിക്കപ്പെടുന്നത്. അതിനുശേഷം ഇതിന് അമേരിക്ക ഇറക്കുമതി നികുതി ചുമത്തിയത് ആശ്ചര്യവും പരിഹാസവും ഒന്നിച്ച് ഉയരാനാണ് കാരണമായത്.
വിവിധ രാജ്യങ്ങള്‍ക്കെതിരെ ഏപ്രില്‍ രണ്ടിന് പ്രഖ്യാപിച്ച തിരിച്ചടി തീരുവകളുടെ ഭാഗമായിട്ടായിരുന്നു ഈ നീക്കം. സാമൂഹ്യ മാധ്യമങ്ങളില്‍ ശക്തമായ ട്രോളുകളോടെയും വിമര്‍ശനങ്ങളോടെയും ഈ നടപടി നേരിടേണ്ടിവന്നു. എന്നാല്‍, അമേരിക്കന്‍ അധികാരികള്‍ ഇതിനെ ന്യായീകരിക്കാനുള്ള ശ്രമവും തുടര്‍ന്നു. അമേരിക്കയിലേക്കുള്ള അനധികൃത പ്രവേശനത്തിന് ദ്വീപ് ഉപയോഗിക്കപ്പെടാതെ വരിക എന്നത് തീരുമാനത്തിന് പിന്നിലെ ലക്ഷ്യമാണെന്ന് ചില വക്താക്കള്‍ അഭിപ്രായപ്പെട്ടു.
