യു.എസ്. സന്ദര്‍ശനം കേന്ദ്രം തടഞ്ഞതായി ആരോഗ്യമന്ത്രി വീണാ ജോര്‍ജ്
തിരുവനന്തപുരം: ആരോഗ്യമന്ത്രി വീണാ ജോര്‍ജ്ജിന് യു.എസ്. സര്‍വകലാശാലയിലെ പ്രഭാഷണത്തില്‍ പങ്കെടുക്കാന്‍ അനുവദിക്കാതെ കേന്ദ്രസര്‍ക്കാര്‍. യുഎസിലെ പ്രശസ്തമായ ജോണ്‍സ് ഹോപ്കിന്‍സ് സര്‍വകലാശാലയില്‍ പ്രസംഗിക്കാന്‍ ക്ഷണിച്ചിരുന്നു. യാത്രക്ക് മുന്നോടിയായി മൂന്ന് ആഴ്ചമുന്‍പ് അപേക്ഷ നല്‍കിയെങ്കിലും തിരക്കുപാട് അവസാനിക്കുമ്പോഴേക്കും കേന്ദ്രത്തില്‍ നിന്നും യാത്രാനുമതി നിഷേധിച്ച വിവരം മന്ത്രിക്ക് ലഭിച്ചതായി ഓഫീസിന്റെ പ്രതികരണം.
സന്ദര്‍ശനം തടഞ്ഞതിന് ഔദ്യോഗിക അറിയിപ്പ് ലഭിച്ചതായും, തീരുമാനം എടുക്കാന്‍ കാരണമായത് എന്തെന്ന് അറിയില്ലെന്നും മന്ത്രി പ്രതികരിച്ചു. ഇതിന് മുന്‍പും സമാനമായ അനുഭവം വ്യവസായ മന്ത്രി പി രാജീവിന് ഉണ്ടായിരുന്നുവെന്ന് വീണാ ജോര്‍ജ് ഓര്‍മ്മിപ്പിച്ചു.
കേരളത്തിലെ മന്ത്രിമാര്‍ക്ക് വിദേശയാത്രക്കുള്ള അനുമതി നിഷേധിക്കുന്ന സംഭവങ്ങള്‍ ആവര്‍ത്തിക്കപ്പെടുകയാണ്. കഴിഞ്ഞ മാര്‍ച്ചില്‍ വാഷിംഗ്ടണില്‍ നടന്ന പൊതുഭരണ സമ്മേളനത്തില്‍ പങ്കെടുക്കാന്‍ ഉപേക്ഷിക്കപ്പെട്ടതും ഇതേ രീതിയിലാണ്.
