ലൂയിസ് തൈവളപ്പിൽ (88) ഹ്യൂസ്റ്റനിൽ നിര്യതനായി

ഹ്യൂസ്റ്റൺ: വളരെ കാലമായി ഹ്യൂസ്റ്റനിൽ അതിവസിക്കുന്ന ലൂയിസ് തൈവളപ്പിൽ (88) വാർദ്ധക്യ സഹജമായ അസുഖങ്ങളാൽ ഓഗസ്റ്റ് 13, 2025നു നിര്യതനായി.നിര്യതരായ ആൻ്റണിയും റോസയുമാണ് മാതാപിതാക്കൾ. അവരുടെ 5 മക്കളിൽ ഏറ്റവും ഇളയ മകനായിരുന്നു മരണപ്പെട്ട ലൂയിസ്. ട്രീസാ ലൂയിസ് ആണു ഭാര്യ. ആൻ്റണി, ജോസഫ്, ജോർജ് എന്നിവരാണു മക്കൾ. മരുമക്കൾ ദീപ, ലിസ. 6 കൊച്ചുമക്കൾ: സോഫിയ, ജേക്കബ്, ഇസബെല്ലാ, ഗബ്രിയേല, റേച്ചൽ, വില്യം എന്നിവരുമുണ്ട്.

അമേരിക്കയിൽ വരുന്നതിനു മുമ്പ് ലൂയിസ് ഇന്ത്യൻ റെയിൽവേയിൽ ടെലി . കമ്മ്യൂണികേഷൻ എൻജിനീയറായി ജോലി ചെയ്യുകയായിരുന്നു. അമേരിക്കയിൽ കുടിയേറിയതിനുശേഷം അദ്ദേഹം ടെലി കമ്മ്യൂണികേഷൻ എൻജിനീയറായിട്ട് അമേരിക്കൻ കമ്പനിയിൽ ഏതാണ്ട് 26 വർഷത്തോളം ജോലി ചെയ്ത ശേഷം റിട്ടയർ ചെയ്യുകയായിരുന്നു.

–എ.സി.ജോർജ്