എം.ജി.എം. ഗ്രൂപ്പ് ചെയർമാൻ ഡോ.ഗീവർഗീസ് യോഹന്നാന്റെ അമ്മയ്ക്ക് ( മറിയാമ്മ ഗീവർഗീസ് (98)) ആദരാജ്ഞലികൾ.
കൊട്ടാരക്കര : എം.ജി.എം. ഗ്രൂപ്പ് ചെയർമാൻ ഡോ.ഗീവർഗീസ് യോഹന്നാന്റെ മാതാവ് കൊട്ടാരക്കര നെല്ലിക്കുന്നു കുഴുവില പുത്തൻ വീട്ടിൽ മറിയാമ്മ ഗീവർഗീസിന്റെ (98) നിര്യാണത്തിൽ പ്രവാസി സമൂഹത്തിന്റെ അന്ത്യോ മപചാരവും ആദരാജ്ഞലികളും എൻ.ആർ.ഐ കൗൺസിൻ ഓഫ് ഇന്ത്യ ചെയർമാൻ പ്രവാസി ബന്ധു ഡോ.എസ്. അഹമ്മദ് നെല്ലിക്കുന്നത്തെ വസതിയിലെത്തി അർപ്പിച്ചു.
എൻ.ആർ.ഐ. കൗൺസിൽ ഒമാൻ ചാപ്റ്ററിന്റെ രക്ഷാധികാരിയും പ്രവാസി ഭാരതിയുടെ ഉറ്റമിത്രവുമാണ് ഡോ.ഗീവർഗീസ് യോഹന്നാൻ.നാലു പതിറ്റാണ്ടിനു മുമ്പ് ഒമാനിൽ വച്ച് സൗഹൃദം സ്ഥാപിച്ച ഇരുവരും നാട്ടിൽ സന്ധിക്കുമ്പോൾ മറിയാമ അമ്മച്ചിയുടെ സ്നേഹവും വാത്സല്യവും തനിക്ക് ലഭിച്ചിട്ടുണ്ടെന്നു അഹമ്മദ് നെല്ലിക്കുന്നത്ത് നടന്ന അനുശോചന യോഗത്തിൽ ഓർമിച്ചു.
അമ്മ എന്ന തണലിൽ – വാത്സല്യത്തിൽ എല്ലാ മക്കളും ചെറുമക്കളും സന്തോഷത്തോടെ -ആത്മ സംതൃപ്തിയോടെ വളരുകയും ജീവിക്കുകയുമാണെന്നു പ്രവാസി ബന്ധു അഹമ്മദ് പറഞ്ഞു.
അനേകം പേർക്ക് ആശ്വാസത്തിന്റെ വെളിച്ചം പകർന്ന മഹനീയ മാതൃത്വത്തിന്റെ ഉടമയാണ് ‘ ഇന്നു പരലോക പ്രാപ്തയായ മറിയാമ അമ്മച്ചി .രണ്ട് നൂറ്റാണ്ടിന്റെ ഭാഗികമായ കാല ഘട്ടങ്ങളിലൂടെ ജീവിതം കാണുകയും ആസ്വദിക്കുകയും ചെയ്ത അമ്മയുടെ വിയോഗത്തിൽ പ്രവാസി സമൂഹത്തിന്റെ ഒന്നടങ്കമുള്ള ദുഃഖം രേഖപ്പെടുത്തുന്നു.
അമ്മയുടെ വേർപാടിൽ വേദനിക്കുന്ന എന്റെ ബേബിച്ചായൻ ( ഡോ: ഗീവർഗീസ് യോഹന്നാൻ ) ഉൾപ്പെടെയുള്ള എല്ലാ പേരുടെയും ദു ഖത്തിൽ എൻ.ആർ.ഐ. കൗൺസിൽ ഓഫ് ഇന്ത്യയും പ്രവാസി ഭാരതിയും പങ്ക് ചേരുന്നു.
ആശ്വാസത്തിന്റെ ദൈവ കൃപയ്ക്കായി പ്രാർത്ഥിക്കുന്നു.ഗതാഗത വകുപ്പ്മന്ത്രി കെ.ബി. ഗണേഷ് കുമാർ, സ്വാമി ഗുരുരത്നം ജ്ഞാനതപസ്വി, കലയപുരം ജോസ്, ഓർത്തോഡക്സ് മത പുരോഹിതന്മാർ,രാഷ്ട്രീയ സാമൂഹ്യ നേതാക്കൾ എന്നി വർ അനുശോചന ചടങ്ങിൽ പങ്കെടുത്ത് സംസാരിക്കുകയും പ്രാർത്ഥിക്കുകയുമുണ്ടായി.
