ഷിക്കാഗോ എക്യുമെനിക്കൽ കൗൺസിലിന്റെ പുതിയ ഭരണസമിതി തെരഞ്ഞെടുക്കപ്പെട്ടു
ഷിക്കാഗോ:ഷിക്കാഗോയിലെ ക്രൈസ്തവ എപ്പിസ്കോപ്പൽ സഭകളുടെ ഐക്യവേദിയായ എക്യുമെനിക്കൽ കൗൺസിൽ ഓഫ് കേരള ചർച്ചസ് ഇൻ ഷിക്കാഗോ പുതിയ ഭരണസമിതിയെ തെരഞ്ഞെടുത്തു. നാലു പതിറ്റാണ്ടിലേറെ പ്രവർത്തന പാരമ്പര്യമുള്ള കൗൺസിലിന്റെ 2024/2025 കാലയളവിലെ നേതൃത്വസംഘം ഫെബ്രുവരി 18-ന് മോർട്ടൻ ഗ്രോവ് സെന്റ് മേരീസ് ക്നാനായ ദേവാലയത്തിൽ ചേർന്ന സംയുക്ത യോഗത്തിലാണ് തീരുമാനമായത്. കൗൺസിൽ പ്രസിഡന്റ് ഫാ. സ്കറിയ തേലാപ്പള്ളിൽ കോറെപ്പിസ്കോപ്പയുടെ അഭാവത്തിൽ, വൈസ് പ്രസിഡന്റ് റവ. ജോ വർഗീസ് മലയിൽ അദ്ധ്യക്ഷത വഹിച്ചു. മാർ ജേക്കബ് അങ്ങാടിയത്ത്, മാർ ജോയ് ആലപ്പാട്ട് എന്നിവരാണ് കൗൺസിലിന്റെ രക്ഷാധികാരികൾ. പുതിയ ഭരണസമിതിയിലേക്ക് പ്രസിഡന്റായി റവ. ഫാ. തോമസ് മാത്യു (സെന്റ് ഗ്രിഗോറിയോസ് ഓർത്തഡോക്സ് ചർച്ച്), വൈസ് പ്രസിഡന്റായി റവ. ബിജു യോഹന്നാൻ (ഷിക്കാഗോ മാർത്തോമ്മാ ചർച്ച്), സെക്രട്ടറിയായി അച്ചൻകുഞ്ഞ് മാത്യു (ഷിക്കാഗോ മാർത്തോമ്മാ ചർച്ച്), ജോയിന്റ് സെക്രട്ടറിയായി ബെഞ്ചമിൻ തോമസ് (സെന്റ് മേരീസ് മലങ്കര കത്തോലിക്കാ ചർച്ച്), ട്രഷററായി ജോർജ് മാത്യു (സെന്റ് പീറ്റേഴ്സ് ജേക്കബൈറ്റ് സിറിയൻ ചർച്ച്), ജോയിന്റ് ട്രഷററായി സിനിൽ ഫിലിപ്പ് (സെന്റ് മേരീസ് ഓർത്തഡോക്സ് ചർച്ച്), വിമൻസ് ഫോറം കൺവീനറായി ജോയ്‌സ് ചെറിയാൻ (സെന്റ് ഗ്രിഗോറിയോസ് ഓർത്തഡോക്സ് കത്തീഡ്രൽ), യൂത്ത് ഫോറം ചെയർമാനായി റവ. ജോ വർഗീസ് മലയിൽ (സി.എസ്.ഐ ക്രൈസ്റ്റ് ചർച്ച്), യൂത്ത് ഫോറം കൺവീനറായി റോഡ്‌നി സൈമൺ (സെന്റ് മേരീസ് ക്നാനായ ചർച്ച്), ഓഡിറ്ററായി ആന്റോ കവലയ്‌ക്കൽ (സിറോ മലബാർ കത്തീഡ്രൽ), മീഡിയ & പബ്ലിസിറ്റി വിഭാഗത്തിൽ സാം തോമസ് (സി.എസ്.ഐ കോൺഗ്രിഗേഷൻ) și ജോൺസൻ വള്ളിയിൽ (സെന്റ് തോമസ് മാർത്തോമ്മാ ചർച്ച്) എന്നിവരെ തെരഞ്ഞെടുത്തു. കഴിഞ്ഞ വർഷത്തെ പ്രവർത്തനങ്ങൾ Secretary പ്രേംജിത് വില്യംസ് അവലോകനം ചെയ്ത് വാർഷിക റിപ്പോർട്ട് അവതരിപ്പിക്കുകയും, ട്രഷറർ ജേക്കബ് ജോർജ് കണക്കുകൾ അവതരിപ്പിക്കുകയും ചെയ്തു. കഴിഞ്ഞ രണ്ട് വർഷം കൗൺസിലിനെ വിജയകരമായി നയിച്ച പ്രേംജിത് വില്യംസിനെ കൗൺസിൽ അനുമോദിച്ചു. പുതിയ പ്രസിഡന്റായ റവ. ഫാ. തോമസ് മാത്യു 2024-25 കാലയളവിലെ പ്രവർത്തനങ്ങൾക്ക് എല്ലാവരുടെയും സഹകരണം അഭ്യർത്ഥിച്ചുകൊണ്ടു പ്രാർത്ഥനയോടെയും ആശിർവാദത്തോടെയും യോഗം സമാപിച്ചു.
